Ta’ang National Liberation Army Nih SAC Ralhrang Minung 12 An Kahthah Hna
Muse pengkulh, Maw Taung pawngah tuni zaan lei suimilam pa 5 hrawngah achuak mi kahdohnak ah TNLA kutin SAc ralhrang minung 12 an nunnak a liam tiah theih a si. Mandalay-Muse Pyidaungsu lam Namphatka le Muse kar Maw Taung khua pawngah SAC ralhrang le TNLA karah kahdohnak a chuak i, SAC ralhrang ruak cu tampi hmuh a si tiah khuami pawl nih an chim. ” SAC ralhrang cu khuami minung pahnih hna nih an rak i citmi a cungcih awn khawh mi motor cun a cung hun in cun an rak ra.
TNLA le an i tong i, kaphnih in kahdohnak a chuak. RPG rawl caah an i mih rua tiah theih a si, SAC ralhrang an ruak cu tampi hmuh a si” tiah khuami pakhat nih a chim.” Khuami pahnih hna an ruak cu mipi bomchantu phu hna nih an laak. SAC ralhrang pawl ruak cu an laa chih lo. An mah tein an ruak cu a la hnga dawh an lo.” tiah khuami pakhat nih a chim. Cu ruangah SAC ralhrang pawl cu fahtuk in an phomh hna caah khuami an thin phang tiah theih asi.
Relchap, Russia president Putin le France president Emmanuel Macron hna cu May thla ni 3 ah khan, Telephone in bia ruahnak an ngei hna i, ” Ukarine cozah lei in fak piin timhcia in timhlamhnak a ngeih mi ka hmuh lo zong hmanhah Russia lei in cun dainaktonbiaruahnak ngeih ding ah lam kan awn ko” tiah Putin nih a chim tiin theih a si.
” Russia president nih France president cu Ukaraine palai pawl he biaruahnak ngeih, ceihhmainak le ifonhnak lei aa neih nak kong cu faingfai ngai in a chimh” tiah theih a si. A bik in Kive i a hnu hmai lei he, a khat lomi bia pawl le riantuannak nak kong timhlamhnak a ngeihnak kong hmuh a si lo ko nain Russia leiin hmaitonh biaruahnak ngeih dingin lam kan on ko tiah kei mah President nih ka chim” tiah a achim tiin theih a si.
” Ukraine ralkap pawl kahdoh an ton mi Donbas hmunhma ah dai tein a um mi khua mi pawl kahthahnak , Khuapi, khuate hna ah bomb thlak nak pawl cu EU hna lei zong nih an duh lomi a si” ti zongin a chim tiah theih a si. ” Vawleicung mipi eidin rawl, riah caw caah a thina phannak kong cu France nih Kremlin thawngzamh thianhtlimnak ah a chim tiah theih a si.
Mah thinphan nak a chuah mi zong hi nitlak lei ram hna nih phihkhamnak an tuah mi ruangah a sinak kong cu Tas thawngzamh nih a tial tiah theih a si. ” Mah dirhmun hi nitlak lei ram hna nih phihkhamnak an tuah mi ruangah a cang mi a si tiah Putin nih a chim. Vawlei cungpi nih bomhnak kuatnak hramhunhin sak mi building pawl i a biapi bikmi cu usa pek dingin Putin a chim tiin Kremlin thawngzamh thianhlimnak ah a chim.
Nai ah France ram ah thimnak an tuah mi ah a tu an president Emmanuel Macron a kai tthan mi zong nih Putin nih lomhpinak a chim tiah theih a si. A tu telephone in pehtlai chimnak cu Putin le Emmanuel Macron karah Emmanuel Macron i, a voihnih nak president caah an thimthan hnu ah a voikhatnak phone in biaruahnak an ngeih hi a si tiah theih a si. A luancia mi March 29 zongah Putin le Emmanuel Macron cu a dongnak bikik in biaruahnak an ngei tiah theih a si. Cu bantuk in April ni 30 ah Emmanuel Macron le Ukraine president Zelensky cu biaruahnak an ngei tiah theih a si.
Leave a Reply