Tu Lio Thit Thu Wai Te Nu Pa An Dirh Hmun
Mynamar ram hlasak thiam Lin Lin le Chit Thu Wai hi kan theih ciao bantuk in, kan ram buai ruangah ram mipi pawl he hmunkhat tein, ralkap uknak duh loh langhternak ah biatak tein a cawlh cang mi chungkhar an si.
Cu ti cun ram pi nawl neihnak a la tu ralkap pawl uknak duh lo nak cu an ti khawhnak lam kip in a doh tu an rak si. Cu tikah ralhrang ralkap pawl nih Lin Lin le Chit Thu Wai hna nupa cu tleih ding in an rak timh hna caah ralkap kut in an luat khawh nak ding caah hmundang an zam dih i in le lo an chuahtak dih. Cuti cun an him nak ding hmun le hma ah cun an chungkhar ning te cun an va um.
A tuzing ah cun Myanmar ram hlasak thiam LinLin le lem cang thiam Chit Thu Wai hna i an in cu ralhrang ralkap nih an rak tingpiak hna. Rampi nawlneih nak a latu ralhrang ralkap paw a dohtu an si tiah hlasak thiam minthang linlin le lemcang thiam
chit thu way i an in cu rangon khualipi ah a um mi a si i, tuzing ah ralhrang nih an rak ting piak hna. Atu bantuk in hlasak thiam minthang Lin Lin le Chit Thu Wai i an in le lo ralkap nih an tingpiak ruangmang hna tik ah hin lungthin cu a nuam lo tuk hringhran ko.
Sihmanh seh law an in le lo cu ralkap nih an ting ko hna nain anmah mipum an him caah hin anmah thazang petu hna ram mipi vialte nih kan hna a ngam ve ko ti zong hin duhsak nak le thazang pek nak zong kha an neih len hna. hlasak thiam minthang linlin le lemcang thiam Chit Thu Wai hna an thawngpang a thei mi nih thinlung nuam lo ngai in an tuarpi cio hna.
Sullam nei loin rampi nawlneih nak a latu ralhrang ralkap pawl ralkap pawl uk lo nak duh lo nak nan langh ter ruang i nan lungre theih thabat nak vialte hi canrauh hlan ah cun ram mipi pawl he teinak kan hmuh nak cu kan hmang ti te hna lai. Nan um nak hmun ah nan ngandam nak i zohkhenh tha ko uh tiah mipi tampi nih duhsak nak an hlan cio hna.
Mynamar ram hlasak thiam R-Zarni nih a hawi le asi mi Lin Lin le Chit Thu Wai hna in an thawngpang a theih bak in, an chungkhar caah an lung that lo nak cu a tu bantuk in hlasak thiam R Zarni nih cun a rak langhter.
Hlasak thiam R Zarni nih amah i a chuahpi unau bantuk tein a rak dawt mi hna Lin Lin le Chit Thu Wai hna thawngpang a theih bak in, a Fb profile cu a nak mi in a tar cawlh i, a ngeihchiat pi hna cu a langhter. Mynamar ram mi pi vialte hna Lin Lin le Chit Thu Wai luatnak an hmuh khawh nak ding caah thlacam bawm ciao hna uhsih tiah a Facebook account ah a tial.
Relchap, KDF phu chungtel Doctor Aung Gyi cu nizaan ah a cang mi Mube kahdohnak ah ralhmai a kal mi mipi ralkap hliam atuar mi va bomhchanh nak ah tuni ah anunnak a liam tiah KDF nih cathanh a chuah.
Tuni February ni 17, suimilam pa 5:00PM hrawng ah a nunnak aliam mi Doctor Aung Gyi cu KDF lei nih an i bochan tuk mi Doctor pakhat a si i tantak mi chungkhar le unau he hmunkhat in nan ngeih kan i chiatpi hna tinak ah KDF nih cathanh a chuah tiah kan theih.
Doctor Aung Gyi na herh mi Federal Democracy kan hmuh hlan tiang mipi he hmunkhat in pehzulh in Dohthlennak kan tuab peng ko lai tiah PDF hna nih mah cathanh ah cun biakam titsa an pek nak kong an langher chih.
Ref; People’s Spring
Relchap, Rakhine Ralkap ANC/AA Telhin Unau Phufonh Pathun Hna Nih SAC Ralhrang Sakhan An Lak
Karen ram Myawaddy pengkulh Phalung khuate leng, 1500 yards aa hlat nak Bayakung ah a um mi Ramri hngak BGF pawl nih sakhan ah an hman mi hriamnam ngan chiah nak sakhan cu Rakhine ralkap ANC/AA le Karen ralkap KNU/KNLA tatyinn 27, tetkhwe 2 le PDF phu fonh hna nih an lak tiah Western News nih a langh ter .
Nizan February ni 15 suilmilam pa 4:00 hrawng ah SAC fralhrang sakhan cu an lak a si i SAC ralhrang pawl i 12o mm Singpiang zuun khat, 60 mmm singpiang zuunkhat, pehtlai nak seh pakhat tel in Bag 20 le Ralbawi nih hman mi phone zong an lak piak hna i SAC ralhrang zong tampi an nunnak a liam tiah tuni February ni 17 ah Rakhine ralkap thawngzamh pakhat nih a langhter.
” SAC ralhrang nih an sakhan an samh thluahmah. Sakhan pawngkam hrawng zong ah sakhan thianhhlimh nak hna an tuah. Cu kaa ah cun kahdohnak a chuak. An mah lei nih hriamnam ngan in an kan kah nak zong hmuh a si. Kan lak piak mi hna sakhan hi SAC ralhrang nih kaelaak sakhan ah an hman mi hriamnam ngan chiah nak sakhan a si” tiah Rakhine rakbawi Bohmugyi Min Htun nih Western News ah a chim.
Mah kahdohnak chungah SAC ralhrang nih hriamnam ngan in an kah hna i cunglei vanlawng zong in a bomh hna tiah thawng kan theih. Phaluu khuate le Laykekaw khuapi thar pawng kam ah kahdohnak pehzulhin a chuak peng i ralkap thazaang achap mi SAC ralhrang pawl cu phihkham dingin kan doh hna tiah Rakhine ralkap nih thawng an zamh nak ah an tial chih.
Ref; Western News
Rakhine Ralkap ANC/AA Telhin Unau Phufonh Pathun Hna Nih SAC Ralhrang Sakhan An Lak
Karen ram Myawaddy pengkulh Phalung khuate leng, 1500 yards aa hlat nak Bayakung ah a um mi Ramri hngak BGF pawl nih sakhan ah an hman mi hriamnam ngan chiah nak sakhan cu Rakhine ralkap ANC/AA le Karen ralkap KNU/KNLA tatyinn 27, tetkhwe 2 le PDF phu fonh hna nih an lak tiah Western News nih a langh ter .
Nizan February ni 15 suilmilam pa 4:00 hrawng ah SAC fralhrang sakhan cu an lak a si i SAC ralhrang pawl i 12o mm Singpiang zuun khat, 60 mmm singpiang zuunkhat, pehtlai nak seh pakhat tel in Bag 20 le Ralbawi nih hman mi phone zong an lak piak hna i SAC ralhrang zong tampi an nunnak a liam tiah tuni February ni 17 ah Rakhine ralkap thawngzamh pakhat nih a langhter.
” SAC ralhrang nih an sakhan an samh thluahmah. Sakhan pawngkam hrawng zong ah sakhan thianhhlimh nak hna an tuah. Cu kaa ah cun kahdohnak a chuak. An mah lei nih hriamnam ngan in an kan kah nak zong hmuh a si. Kan lak piak mi hna sakhan hi SAC ralhrang nih kaelaak sakhan ah an hman mi hriamnam ngan chiah nak sakhan a si” tiah Rakhine rakbawi Bohmugyi Min Htun nih Western News ah a chim.
Mah kahdohnak chungah SAC ralhrang nih hriamnam ngan in an kah hna i cunglei vanlawng zong in a bomh hna tiah thawng kan theih. Phaluu khuate le Laykekaw khuapi thar pawng kam ah kahdohnak pehzulhin a chuak peng i ralkap thazaang achap mi SAC ralhrang pawl cu phihkham dingin kan doh hna tiah Rakhine ralkap nih thawng an zamh nak ah an tial chih.
Ref; Western News
Leave a Reply