SAC ralkap nih mithah lainawnnak a tuah ruangah KhinOo pengchung in civil mi nunnak a liam mi hna le PDF chungtel in nunnak a liam mi dihlak cu 144 an si cang, tiah nihin May 11, KhinOo PDF dirh kumkhat a tlin ni ah KhinOo PDF nih an thanh. SAC ralkap hna nih KhinOo pengchung i rallam an sial voi zakhat leng chung ah, civil mi le tualchung hriamtlai phu chungtel a thi mi hna lengah hliam tuarmi minung 101 an um i, tlaih a tongmi minung 100 an um, tiah KhinOo PDF nih an thanh.
SAC ralkap nih KhinOo pengchung khua 28 cu mei in an khangh i, an hrawh dih mi khua hi khua 12 an si. KhinOo pengchung ah inn an khangh mi dihlak cu inn 1291 a si i, inn 153 cu khangh loin an hrawhpiak hna. Cun, inn 3 cu an phihkhar/hrenh piak hna, tiah theih a si. Yinmapin Ah SAC Ralkap Nih PDF Pakhat An Thah Lengah Inn 6 An Khangh: Sagaing ramṭhen Yinmapin pengchung khua pakhat cu nihin May 11 zinglei ah SAC ralkap nih luhhnawh in inn 6 an khangh, tiah Naga Ngyinawng (နဂါးညီနောင်) phu nih an chim.
Monywa-Ayagyi-Kalaywah lampi ah bomb puahhnawh a tong mi SAC ralkap hna nih May 11, zinglei suimilam 10:30 ah Yinmapin peng Nibyutaw(နိဗ္ဗူတော) khua cu meithal le bomb puah bu in an luhhnawh hna, tiah Naga Ngyinawng phu in ṭuanvo ngeitu pakhat nih cun a chim. “SAC ralkal hna cu meithal le bomb thlah bu in khuachung ah an lut i, thingkung cung ah a kai mi ral vengtu Nibyutaw (နိဗ္ဗူတော) khua tualchung hriamtlai phu chungtel pakhat cu a ṭum manh hlan ah a lu ah SAC ralkap nih an kah i, a nunnak a liam,” tiah a chim.
Cu hnu ah Nibyutaw (နိဗ္ဗူတော) khua inn 6 cu mei an khangh i, an kaltak. Tualchung hriamtlai Naga Ngyinawng (နဂါးညီနောင်) phu cu khuachung ah lutin mei kaang cu an hmih i, innkhat mei lawng an thah khawh caah inn 5 cu vutcaam ah a cang dih, tiah Naga Ngyinawng phu in ṭuanvo ngeitu nih cun a chim chap
Mi tampi cu zeitin dah kan i runven lai timi kan theihlo caah thihnak tiang kan phan tawn. Hihi a bik in nu pawl caah a si. Nu chiaṭha hi athak (itching) in a rim a nam ṭheo tawn. Hangrang chuah tibantuk hi nu tamdeuh nih cun an ton cio mi a si. Hi bantuk na ton ruangah ningzak in sibawi sin zohter duhlo in um hrimhrim hlah. Caan sau arauh ah cun zawtnak phunkhat ah a cang kho. Hi bantuk chiaṭha kong he pehtlai in um siaremlo in na um si ahcun a rianrannak in siibawi sin kal i zuam. Ningzah ding a si lo.
Ralrin Ding: Nu paoh nih cun hangrang (a phyosiin) timi hi thla fatin cu an ngei dih. Sinain zei ah rel a si lem lo. Hangrang a chuah ruangah zeihmanh thinphan ding cu a um lo. Asinain caan sautuk a rauh i a rim hna a ṭhatlo, cun a thak ti bantuk hna a um si ahcun naa ralrin ding taktak a si. Cu ti na um si ah cun siibawi te sin ah i zohter colh ah a ṭha. Cucu nangmah himnak caah a si.
Zei bantuk Colors Dah Achuah: Nu aphyosiin ti tikah tamdeuh cu a rang mi color in a chuak tawn. A phyosiin hi caan khat ahcun nuta chungah bacteria aluh caan zongah a chuak theo tawn. Cun, nu hangrang hi na lung retheih deuh caan le na thitha der caan zongah a chuak kho mi a si fawn. Nu aphyosiin mi hang color kha zoh law yellow bantuk a panh si ahcun siibawi sinah i zohter colh ko. A hnu ah nau-inn cancer tiang ngeihkhawh a fawi caah daithlang in um hlah.
Bateria a luhnak a ruang: Nu chiaṭha chungah rungrul hi zeitin dah a luh ningcang a si ti ahcun, pa he ihṭinak tuah ruang, bawngbi chungnawh thurhnawmh ruang sii hmanmi ruang, rawl eimi, zunthlum zawtnak le nau-inn cancer zawtnak hna ruangah alut tawn ti a si. A bik in kan i hrukmi bawngbi chungnawh hi rungrul a luh tertu cu a si.
Na bawngbi chungnawh naa hru mi kha a thianhlim lo, ṭha tein a ro lomi, thli luhchuah nak a ṭha lomi, tibantuk hna nih hin nu chiaṭha chungah rungrul a luh ter khawh fawn. Cu caah nifatin naa hruk hnga dingmi chungnawh kha thianghlim tein chia peng.Nu pum chung vialte lakah a biapi bik hmun cu private zawn hi a si. Cu caah ni fatin thianghlim tein ṭawlpiak le thianh piak i zuam.
Na zunpi na kal tik i ti naa ṭawl si zongah, a hmailei zunnak zawn kha tawl hmasa law cu dih in ahnu lei zawn kha ṭawl ding a si, tiah Doctor te nih runvennak bia an chim. Cu natuahnak nih bacteria kha an khamh piak khawh. Na chiaṭha rim a ṭhatlo si ahcun tilum (warm water) in ṭawl piak ah a ṭha tiah an chim chih. Ref: Healthline
China cu Taiwan rilli pawngkamah raltuk cawnnak a ngeih hnu tlawmpal a rauh hlanah Taiwan rilli ah tilawng a mawng mi American tilawng pakhat cu China nih ralring a peek tiah China ralkap nih May ni 11 ah thawng thanhnak a tuah. Number 7 ti lei ralkap in dungci aa tel mi USS Port Royal raltuknak tilawng cu vawleicung upadi ningin pung hman tein Taiwan tikulh ah an mawngh nak kong cu American ti lei ralkap hna nih May ni 10 ah thanhnak a tuah ve tiah theih a si.
American tilawng cu mah tikulh ah cun thlakhat ah voihnih a kal peng mi a si i, Taiwan nih mah tikulh cungah American tilawng kalnak nawl a peek mi cungah China biatak tein a thinhung tiah theih a si. China nih Democracy in ukmi Taiwan ramah tilawng na mawngh tiah a kalhdoh tiah theih a si.
China PLA ralkap phu hna nih mah tilawng cu kah dingin an hngak peng i, a tu ah kahding bakin ralring a peek cang hna tiah theih a si. ” American nih mah colcanghnak hi a tu le tu in a tuah peng i, buaibainak chuahter dingin an kan tuah, Taiwan zalonnak ralkap phu sinah palhnak a chiat pawl an kuat mi le Taiwan tikulh cungah buainak chuahter hramhram dingin an um.” ti zongin China nih thanhnak a tuah. Source: Reuters
Leave a Reply