Model Le Lemcang Thiam Thin Zar Wint Kyaw Cu SAC Ralkap Nih An Tlaih!
======
Model Le Lemcang Thiam Thin Zar Wint Kyaw Cu SAC Ralkap Nih An Tlaih!: Shan State Progressive Party(SSPP) chairman fanu ṭhitumhnak ah a kalmi lemcang thiam minthang Thin Zar Wint Kyaw cu a kir lei ah SAC ralkap nih chekhlatnak gate pakhat ah an tlaih, tiah theih a si.
Model le Lemcang thiam Thin Zar Wint Kyaw cu July 4 ah, Shan State Progressive Party(SSPP) chairman fanu ṭhitumhnak puai zanriah dumnak ah Shan State Army(SSA) ralkap thuam he a kalnak cu social media ah a langsar ngai in hmuh a si caah tlaih a si.
Lemcang minthang Thin Zar Wint Kyaw cu SSPP/SSA sawmnak in Haiper tisor le Shan ramkulh chaklei KyayTi(ကျေးသီး) peng, WamHai(ဝမ်ဟိုင်း) ṭhanchonak ding caah Documentary thlak ding in a kal mi a si. July 3 ah Video thlak hram ai thawk i, an dih hnu an kir lei ah vedio ai thlaknak thilthuam he ṭhitumhnak puai zaanriah dumnak ah a telpi hna.
Thin Zar Wint Kyaw nih cun zeidang ramkhel lei tinhchih in thlakmi a si lo, fimcawnnak, ngandamnak lei ah le ṭhanchonak ding ca ah zuk thlak ding in SSPP nih sawmmi ka si, tiah SSPP Info ah July 4 ah a rak chim. Zuk thlak an dih hnu nihin July 6, zinglei ah WamHai(ဝမ်ဟိုင်း) khua chuah Mairel(မိုင်းရယ်) gate ah Thin Zar Wint Kyaw zulhmi motor cu SAC ralkap nih rak chek in, tlaih a ton hi a si, tiah tualchung mi nih an chim.
Thin Zar Wint Kyaw tlaih a tonnak kong he pehtlai in SAC ralkap le SSPP nih thawngthanhnak an tuahmi a um rih lo. SSPP cu nawlngeihnak latu SAC nih a sawmmi tonbiaruahnak ah aa telmi a si.
Thin Zaw Wint Kyaw cu SAC ralhrang nih zohfelnak tuah dingin an tliah tiah theih a si. SSPP/SSA zungah muicawl thla dingah a tuah hnu a rak tin pah ah Thin Zar Wint Kyaw cu an tlaih tiah theih a si. A luan ciami thla ah khan ram thanchohnak caah muicawl thlak dingah Shan ram thanchonak party, Shan Tatmadaw SSPP/SSA i sawmnak thongin Shan ram ah a va kal tiah theih a si.
Lemcangthiam Thin Zar Wint Kyaw cu Yangon lei a rak kir lio ah SAC ralhrang nih an tlaih zohfelnak tuah cuahmah lio a si tiah SAC ralhrang nih Telegram ah thawngzamhnak an tuah. Hi Thin Zar Wint Kyaw an tlaih nak kongah zohfelnak tuahin thlah than ding a si tiah theih a si. Credit: The Chin Post
Yangon I Underground Force(UG) Phu Thawngpang A Hlattu Nuva Meithal In Kah An Si!: Yangon ah a ummi Underground Force (UG) hriamtlai phu hna thawngpang a hlat i SAC ralkap sinah thawngpetu nuva hna cu thah an si, tiah SOULS TAKERS-YANGON UNDERGROUND FORCE nih an thanh. SAC ralkap sin thawngpetu hna cu inn 100 uktu sanguk bawi U Thein Aung(ဦးသိန်းအောင်) le an nupi an si, Thaketa(သာကေတ) peng No.4 sang Ganbaung(ကန်ဘောင်) 9 lam ah khua a sa mi an si. Anmah inn ah an nu he July 5 zaan Sml 8:25 ahkhan meithal in kah an si i, U Thein Aung cu a thi colh nain an nu tu cu thi lo in hliam faak ngai a tuar, tiah theih a si.
SOULS TAKERS-YANGON UNDERGROUND FORCE hna cu zaan Sml 10 ah hliam tuar um loin an kir nain SAC ralkap nih hmunkip ah chekhlatnak an tuah, tiah an cathanh ah an langhter. Cucaah Yangon um mipi hna nih khualtlung cazin chek tikah ralring tein um khawh i zuam u, tiah theihternak zong an tuah.
Pyusawhṭi Nih India Mi 2 An Thah Hna Nak Kong Ah PDF-Tamu Nih Cathanh An Chuah!: July 5, 2022 zaanlei suimilam 1:00 ah India rammi P. Mohan, kum 28 le M. Pyanar, kum 32 hna cu Tamu khuachung Sawbua sang siangniamrun no.4 pawng ah SAC kuttang pyusawhṭi hna nih an rak kahthah hna.
SAC ralkap nih Myanmar ram ah nawlngeihnak an laak thok in pyusawhṭi hna cu a thli in training an pek hna i, phaisa le hriamthil lei bawmhchanhnak cu SAC ralkap nih an pek hna. SAC ralkap, palik, pyusawhṭi le SAC kuttang um rianṭuantu hna cu Myanmar ramchung ah phungninglo in rian an ṭuan. Atu bantuk in sualnak ngei lo Myanmar mipi cung lawng ah siloin, ramdang(India) mi cung zong ah phungning lo in lainawnnak an tuah.
SAC ralkap nih an thil tuahmi vialte cung ah PDF-Tamu nih duhlonak kan langhter. India ram Moreh khuami 2 nunnak a liamnak kong ah chungkhar kan ngaihchiatpi hna. SAC ralkap, palik, pyusawhṭi le SAC ralkap bawmchantu cu kan doh hna lai, tiah PDF-Tamu nih July 6 ah cathanh an chuah.
Pyusawhṭi Nih India Mi 2 An Thah Hna Nak Kong Ah PDF-Tamu Nih Cathanh An Chuah!: July 5, 2022 zaanlei suimilam 1:00 ah India rammi P. Mohan, kum 28 le M. Pyanar, kum 32 hna cu Tamu khuachung Sawbua sang siangniamrun no.4 pawng ah SAC kuttang pyusawhṭi hna nih an rak kahthah hna.
SAC ralkap nih Myanmar ram ah nawlngeihnak an laak thok in pyusawhṭi hna cu a thli in training an pek hna i, phaisa le hriamthil lei bawmhchanhnak cu SAC ralkap nih an pek hna. SAC ralkap, palik, pyusawhṭi le SAC kuttang um rianṭuantu hna cu Myanmar ramchung ah phungninglo in rian an ṭuan. Atu bantuk in sualnak ngei lo Myanmar mipi cung lawng ah siloin, ramdang(India) mi cung zong ah phungning lo in lainawnnak an tuah.
SAC ralkap nih an thil tuahmi vialte cung ah PDF-Tamu nih duhlonak kan langhter. India ram Moreh khuami 2 nunnak a liamnak kong ah chungkhar kan ngaihchiatpi hna. SAC ralkap, palik, pyusawhṭi le SAC ralkap bawmchantu cu kan doh hna lai, tiah PDF-Tamu nih July 6 ah cathanh an chuah.
Myaung Le Yesgyo Aa Tonnak Ah Kahdohnak A Chuak I, SAC Ralkap 20 An Thi: Sagaing ramṭhen, Myaung peng le Magwe ramṭhen, Yesagyo peng aa tonnak ah SAC ralkap le tualchung PDF cu nihin July 6 zing 7:30 ah an i kap i, SAC ralkap 20 an thi tiah theih a si. “Kahdohnak cu Sml 2 tluk a rau i SAC ralkap lei nih vanlawng in an kan kah. Tualchung PDF lei hliam tuar um lo tein hnu kan tolh kho,” tiah PDF Myin Chin pengkomh nih an thanh.
SAC ralkap hna cu Myin Chin pengkomh batallion 1,2,3, PDF-Nuahtoogyi, Myaung Special People Defense Force le Phoenix(Yelaygon)(ရေလယ်ကျွန်း) ṭangrual phu i bawm in an doh hna tiah theih a si.
Magwe ramṭhen Gangaw peng Yesein(ရေရှင်) khua ah rallam a sial mi SAC ralkap hna zong nihin zinglei suimilam 9 ah Magwe hriamtlai phu le PDF-Gangaw nih bomb an puahhnawh hna i mawṭaw 2 an rawh lengah a thi mi le hliam tuar an tam lai, tiah Gangaw PDF nih an thanh.
Natogyi PDF Camp Luhhnawh A Tong I, Rawl Chuangtu Pakhat SAC Ralkap Nih An Tlaih!: Mandalay ramṭhen, Natogyi People Defense Force (နွားထိုးကြီး) camp pakhat cu SAC ralkap nih an luhhnawh tiah Natogyi-PDF nih July 6 ah an Facebook cahmai in thawng an thanh. July 3 ahkhan SAC ralkap nih camp cu luhhnawh in an doh i hriamthil zeimawzat kan sung, rawl chuangtu pakhat zong tlaih a tong, tiah Natogyi-PDF in rianngeitu pakhat nih a chim.
“Khuami pakhat cu ramlak a kal lio ah SAC ralkap nih an hmuh i, SAC ralkap nih cun an tlaih i an hrem hnu ah PDF camp umnak a chim. Camp umnak fiang tein an theih hnu ah SAC ralkap 50 tluk nih PDF camp cu an luhhnawh,” tiah NPDF in rianngeitu nih a chim. SAC ralkap nih an tlaih mi rawl chuangtu cu Wetlu(ဝက်လူး) peng palik camp ah an check lio a si, tiah a chim chap.
Mizapi nih an bawmh chom mi hriamthil hna cu an sungh caah NPDF nih mizapi sin nawlnak an tuah i, dohthlennak a dihdongh tiang an ṭuan khawh nakhnga kan bawm rih ko u tiah nawlnak an tuah!
Kamai In Hpakant Aa Ṭhial Ding Mi SAC Palik 7 Tlaih An Tong!: Kamai peng in Hpakant peng ah rianṭhial ding in a kalmi SAC kuttang um palik bawi pakhat le palik 6 hna cu July 5, chunhnu in an tlau i, cu kong he pehtlai in Hpakant, Kamai-Nanhya-Hpakant lampi Saiyan(စိုင်ယန်) khua le Ṭadangyinawng (တံတားညီနောင်) khua kar ah palik hna cu aho si theih lo mi hriamtlai phu nih an tlaih hna, tiah tualchung mi pakhat nih a chim.
“KIA nih an tlaih hna tiah kan theih nain, a dik le dik lo cu theih a si rih lo, tlaih an tonmi kong tu hi cu thawngpang dik a si ko,” tiah tualchung mipa nih cun a chim.
Hpakant ah rianṭhial mi palik chungtel 7 hna cu nizaan July 5 zaanlei tiang ah Hpakant khuachung an phan rih lo, pehtlaihnak kan tuah kho hna lo i, an thawng kan theih hna lo caah kan hlathlai cuahmah lio ah si, tiah SAC ralkap nih nihin July 6 an an thanh.
Palik phu tlaih an tonnak kong he pehtlai in KIA le PDF phufonh nih nizaan July 5 chunhnu ah tlaih an si cang, tiah PDF nih an chim ti in tualchung media cheukhat nih cun an langhter. A luancia 2021, November thla ahkhan Hpakant peng ah palik 3 cu tlaih an rak tong i, Kachin ramchung remdaihnak lei rianṭuantu phu nih chawnhbiaknak an rak tuah hna hnu ah an rak thlah ṭhan hna, tiah theih a si.
Bawlakhe Ah Palik Bawi Pahnih Nih An Hriamthil He CDM An Tuah!: Kayin ramkulh Bawlakhe tualchung hriamtlai phu BPDF sinah Bawlakhe palik bawi (ṭat-kyat-gyi) pahnih Ko Win Hṭun le Ko Myo Swe cu July 3 ah CDM cawlcanghnak an tuah tiah Bawlakhe PDF nih an thanh. CDM cawlcanghnak a tuahtu palik bawi pahnih nih cun 7.62 mm kuan 321, kutcheh bomb lung 6 le aw thanternak lunghnih cu BPDF sin ah an i put, tiah an thanh chih. Uknak latu SAC kuttang rianṭuantu ralkap le palik hna nih CDM cawlcanghnak tuah an duh ahcun Bawlakhe BPDF nih an cohlan peng hna tiah BPDF nih an thanh.
Leave a Reply