Ralhrang Pawl Cu Thih Ruah Ah Hmunzakip i Chawh Peng Hi An Huam Ve Hrim Lailo

YDF-Kyaw nih ralhraang motor bomb an puah hna i 30 leng an thi, December 23, 2021 December 22 zaanlei suimilaam 2:34 ah Kyaw le Gangaw kar Pungngia chuktum zawn ah ralhraang motor tlar 24 hna cu YDF-Kyaw Battalion No, 12 nih bomb voi riat le kutser launcher in voi li an kah hna i ralhraang 30 leng an thi lai tiah zumh a si. YDF-Kyaw Battalion No. 12 chung in hliamtuar kan um lo tiah YDF-Kyaw nih an thanh.

December 21 le 22 ni ah ralhrang phu hna nih Mi35p raltuknak helocopter hna in kahnak ruangah Sagaing ramthen, YeeOo peng Yemyait khua inn 60 hrawng cu dapcaam ah a cangdih tiah mizapi vengtu phu -YeeOo peng nih cathanh an chuah. Yemyait khua chungah inn 50 in inn 60 hrawng mei khanghpiak an tong, motor 2 le cycle zong khanghpiak an si.

Thil sining dikthlir theihkawhnak ding ah checkhlat lio a si tiah YeeOo PDF nih cathanh an chuah. Ralhrang phu hna nih raltuknak helocopter hmangin December 21 ni thokin nithum chung pehtlai in kahdohnak an tuah caah Sagaing ramthen chung YeeOo peng Yemyait khua, Tanhsee peng in Laitchain khua, Gyunhlah peng in Ganzuninnkhua minung umnak inn hna cu an rawlral tiah theih a si.Khit Thit Media, The Chin Post