Monywa No.2 Palik Camp PDF Nih An Kah , Palik 12 Hrawng An Thi, Sagaing ramtthen , Monywa khuachung no.2 palik sakhan cu PDF phufonh nih nihin April 16, zinglei ah an kahdoh hna i palik 12 cu an thi lai tiah Monywa mizapi vengtu ralkap phu Chindwin Attack Force nih thanh.
April 16, zinglei suimilam 1:00 ah Monywa PDF battalion 2,3,4, Monywa PDF battalion 2 in special commando ralkapbu – Monywa The Boys, tat-khuai 1-Monywa Ranger group/Truth Army, tat-khuai 3-Northwest Plains Revolutionary Forces-NPRF hna nih an kahdoh hna tiah theih a si. PDF phufonh nih Monywa no.2 palik sakhan cu RPG in kan kah hnu ah hriamhme he pehtlai in kan kah hna, Kaphnihkar kahdohnak minutes 30 tluk a rau, cu kahdohnak ah cun palik 12 an thi lai tiah PDF phufonh nih an thanh.
April 15, chunhnu suimilam 2:30 hrawngah Monywa Tamatan(တမာတန်း) lam tonnak ah a chawkmi mipi hna sin ah, chekhlatnak tuah le phaisa a haltu SAC ralkap hna cu Monywa Red Peacook nih bomb lung 2 an ouahhnawh hna caah SAC ralkap 4 hliamhma tuar in an thi kho tiah nizaan ah an thanh.
Kalaymyo Ah Wave Money Riantuantu Pakhat Kahthah A Tong, Kalaymyo Ah Wave Money Riantuantu Pakhat Kahthah A Tong, Kalaymyo Buda Celhhmun( ဘူတာ ဘောလုံး ကွင်း) pawng tlanglawng lam ah April 14, zaanlei suimilam 5:30 hrawng ah Wave Money riantuantu pakhat cu SAC ralkap nih an kah caah a nunnak a liam tiah theih a si.
SAC ralkap nih meithal kahnak ruangah nunnak a liammi Ko Mung Pi ruak cu nizaan April 15, zinglei suimilam 10:00 ah a chungkhar sin ah phanhpi a si. Ko Mungpi a pa cu bawiham(bu-gyi) in pension a la cangmi a si tiah theih a si. Cun Ko Mungpi a hawikom minung 3 zong SAC ralkap nih an tlaih hna tiah theih a si. Cu thil cang mi kong ah SAC ralkap lei nih cun PDF an si tiah an puh hna tiah Zalen nih a tial.
Mariupo khuapi Vuanci ” Mariupo Khuapi Chung Lawngah Mithi Ruak 1,0000 Leng Hmuh A Si!! Ukraine ram ah a um mi Mariupo khuapi cu Russia ralkap hna nih zarhhnih chung an kulh dih hnu ah tih a anung tuk mi thawngpang hna a chuak i khuami miluu 10000 leng an nunnak aliam mi miruak hmuh an si tiah tiah Mariupo khuapi vuanci nih a chim tiah AP thawngzmah nih a tial.
Ukraine ram ah a um mi Russia nih lak dingah aa timh mi lawng si lo in an ram in nichuak lei ah ralkap thazaang tam taktak in Russia nih tuk kah ding in timhlamh nak a ngeih cuahmah lio ah ” Putin nih chemical hrimnam pawl a hman khawh nak kong ” Ukraine president Zelensky nih ralring nak a pek hna tiah theih a si.
Tig a nung tuk mi pakhat cu Mariupo khuapi chungah sivai a si mi thilri pawl van lei in an rak tlak nak kong, Ukraine tatyin pakhat sinin fiang fai tein theih khawh a si lo mi thawngpang zamhnak pakhat cungah Nitlak lei i Cozah riantuan tuanvo ngei tu hna nih hlethlainak an ngeih cuah mah lio a si tiah theih a si.
Kiev khuapi chungah a um mi hna nih a fak tuk mi kahdoh an tuar cuah mah mi hmuh an si ko nain Russia ralkap hna nih lak dingah kuan le zen bomb, cung lei vanlawng le tanks hna in khuapi chungah a kah cuah mah ko nain, Kiev khuapi chungah a cang mi thawngpang pawl cu online cungah thawngzamh lo dingin an phihkham tiah theih a si.
April ni 12, AP thawngzamh nih phone in thawng hal nak an tuah tikah Mariupo khuapi vuanci Vadim Boyle nih ” Russia ralkap hna nih minung fa lo loh in an thah mi pawl cu an thawngpang theih ter hna lo in an thuh i minung zawruahnak bomtu pawl cu zarhkhat chung caan sau pi luh ter duh loin an kham hna” tiah a chim. Mariupo khuapi chungah a nunnak a liam mi thongkul lei an um kho ti zong in a chim chap. Ref-AP
Leave a Reply