Tuzan suimilam 9 hrawnghrang ah khan yangon, Than hlyan myone ah kawl ralkap le PDF pawl fak nawn in an i kap cuahmah tiah theih a si. Khua mi pakhat nih a chimnak ahcun kawl ralkap motor cung i an um lio ah PDF nih an rak kah hna i kahdohnak a chuahnak hi a si. PDF Nih an kah hna hmasa i kawl ralkap nih motor cung in an rak kah ve hna. An i kah hi zan suimilam 9 hrawng ah khan a si i, meithal thawng voi 50 hrawng theih a si ti a si. A thimi an um le um lo tu cu khua mi nih theih a si rih lo tiah an chim.
Atu lio hrawng hi biatak tein kawl ralkap le PDF kar ah kahdohnak hmun kip ah a chuak i ralkap zonng an ning a tii ngaingai ve cang ti a si. Tlang cung miphun hna lak i kahdohnak cu chim hau loin hlan deuh pi khan a um um peng cnag nain khuapi chung kahdohnak cu NUg nih thawng an thanh hnu deuh in a si. Kahdohnak cu a tu nak hin hi hnu pinlei ah fak chinchin in a chuah lai caah khua[pi chung i a ummi mipi pawl ralrin taktak in nan um a hau cang lai tiah PDF nih kan hnu lei ah khan thawngthanhnak zong an tuah cang. Cucaahcun, kan laimi yangon ummi zong ralrin tein rak um cio cang uh. Khit Thit Media
Ayarwady bank phaisa phortu motor cungah ting 40000 (4billion),a ramh tu hna cu kan tlaih cang tiah ralhrang phu nih an langhter hnu ah, cu thil a cangmi a tuahtu hna cu khuami PDF phu an si tiah sual an puh hna. Hi ramh nak cu Pago PDF phu, peng riantlaitu Ko Myo Ko nih a tawlrel mi a si. A tu lio ah CDM bank riantuan minung pakhat le phungki minung pahnih tel in minung 7 cu tlaih in, checkhlatnak kan tuah hna tiah nawlngeihnak la tu ralhrang phu nih sualpuh nak cathanh a chuah.
Yangon-Pago motor lampi cung September 13, ni ah motor PK le palik phu bantuk lemcang mi hna nih ramh in phaisa an chuh hna hi a si, cu thil a can nak hmunhma hi Inkataw ralhrang hmunhma he a neih leng ah, minung a chawk let mi an tlawm lo nak hmun zong a si caah ralhrang nih tha ten timhtuah nak ngei in hmanthak diklo an tuah mi a si lai tiah Pago PDF phu nih an chim. The Chin Post
Magway Khua USDP Zung Hmai Ah Bomb A Puak I Hngakchia Pakhat Thi Magway khua USDP zung hmai ah September 14 zing suimilam 8:00 hrawng ahkhan bomb a puak i kum 5 tluk a simi hngakchia pakhat a thi i pakhat hliam a tuar tiah theih asi. Bomb puah ruang ahcun USDP zungkam i Kunya dawr ummi hngakchia kum 5 hrawng cu a hmun ah a thi colh i midang pakhat cu,.
A paw le a ke hna ah hliamhma ahmu bomb a puah tlawmpal in Magway khuachung dih lak ralhrang nih an phihkhar dih tiah khuami pakhat nih a chim. Magway – Minbo tlawnkalnak hlei in ralhrang nih lam an kham i chekhlat nak an tuah cuahmah pin ah Magway khuachung ah rakhrang mawtaw an khat nih khua an hel tiah a chim chih.
Leave a Reply