Yan Lin Fai Khua A Khangtu SAC Ralkap Cu Tamu PDF nih Bomb An Puahhnawh Hna!: Mipi cit mi mawtaw a tlai i, Kalay- Khampat-Tamu lam in Tamu lei ah a kal mi SAC ralkap mawṭaw run cu Yan Lin Fai khua le Khun Mon Nong khua khua karlak ah nihin June 23 zaanlei Sml 5:23 ah Tamu PDF nih bomb an puahhnawh hna i, mawṭaw 2 an rawk i hliam tuar an um kho, tiah Tamu PDF sin in theih a si.
“Mipi cit mi Bus(မှန်လုံ) 13 cu SAC ralkap nih an tlaih. SAC mawṭaw pakhat zong aa tel i minung 20 fai an cuang. Yan Lin Fai khua le Khun Mon Nong khua kar ah bomb lung 2 in puah an si i, mawṭaw 2 an rawk. Hmun rawn a si caah hnu an tolh colh,” tiah Tamu PDF batallion 3 in mi pakhat nih a chim.
Cu SAC ralkap hna cu nizaan June 22 ah Khampat khua in an ra i, Yan Lin Fai khua a khangtu an si tiah theih a si. Mipi cit mi mawṭaw an tlaih mi cu Tamu lei an kalpi, tiah theih a si.
Nizaan (June 22) zong ah khan SAC ralkap le pyosawtee umhmun an khuarnak Tamu peng Panta(ပန်းသာ) khua cu Tamu PDF batallion pali fonh le Special Task Force i bawm in an kah hna i, SAC ralkap 25 leng an thi tiah Tamu PDF batallion no. 3 nih an thanh. Cred : The Chin Post
Leave a Reply