United States President Joe Biden nih ningani ah hin White House ah Afghanistan President Ashraf Ghani le Afghanistan High Council for National Reconciliation chairman, Abdullah hna cu a ton lai.
White House i meeting ah hin Afghanistan in US ralkap hna lak chuah kong le Afghan ralkap le Taliban ralhrang karlak ikahdohnak a chuak than mi kong ceih asi lai.
President pahnih hna hi hmaichan bak ah an i komh vawikhat nak ding asi. Biden nih September ni 11 hlan i US ralkap dihlak lak chuah viar dingin thawng thanh nak a tuah hnu ah, Taliban ralhrang pawl an vun cawlcang than i, district 30 hrawng an lak cang tiah langhter asi.
May 1 thawk khan US nih a ralkap pawl lak chuah athawk caah Base cheukhat hna cu Afghan cozah kut ah an pek.
Leave a Reply