Thawngthar Update : Mindat peng ah rallokap le palek 20 hrawng an hriamnam he mipi ralkap sinah an i fonh

Mindat peng ah rallokap le palek 20 hrawng an hriamnam he mipi ralkap sinah an i fonh Chin ramkulh,Mindat ah nawlngeihnak la ralhrang rallokap phu in Maki-Ingnu riakbuk in riahbuk tuanvo ngeitu rallokap university in no 55 adih mi Bokyi Thein Thaih telh in a kuttang minung 20 hrawng cu mipi ralkap sinah an i fonh.

Hi riahbuk ah chungtel cheukhat cu nawlngeihnak kal kho lo dingin a cawlcang mi an i tel bantukin mipi ralkap nih hi riahbuk cu lak dingin July 24 ah an kal hnawh.

Riahbuk i nawlngeitu cu mipi ralkap lei nih na hriam na chiah lo cun kan in kah lai tiah an chimh tikah riahbuk nawlngeitu nih kahdoh hau lo in a hriamnam a chiah i mipi ralkap he an i fonh hi a si.

Maki-ingnu palek riahbuk hi ralhrang phu le ralhrang kuttang palek fonh mi riahbuk a si,khuami mipi hna le i hmuthiam in nawlngeihnak lakhnu in atu tiang tha ten a chawnbia mi riahbuk pakhat a si.

The Chin Post