Thawngthar Update : Hakha ah COVID-19 Zawtnak a Ngeimi Minung 4 an i Chap

Nihin (July 2), Hakha khua Nunu Hall ah le GTI ah minung 40 checknak an tuah hna i minung 4 sin in COVID-19 zawtnak an hmuh, tiah thawng kan theih.

COVID-19 zawtnak a ngeimi minung 4 hi Dawrthar sang ah a ummi an si hna, tiah ttuanvo ngeitu nih thawngthanhnak ah an langhter. Cred : The Chin Journal

Relchap : Telenor Company Cu Myanmar In A Chuak Cang Lai

Ralhrang nih nawlngeihnak an lak hnu in Myanmar ramchung pehtlaihnak cu biatak tein rengh a si. Phone line company pawl zong sungh lei an panh deuhdeuh. Cu chungah Telenor company zong aa tel ve.

Telenor hi Norway company a si i Thein Sein chan lio 2014 ah Myanmar ah a lutmi a si. A hmangtu nuai 18 leng an si. MPT, Telenor le Ooredoo hna hi Myanmar ah cun human bikmi phone line an si.

Ralhrang nih rikhiah an tuahmi a tam tikah pehtlaihnak lei company an dirhmun a tha ti lo. Cucaah Telenor company cu zuar an timh cang. Ooredoo nih cawk an duh nain fiang tein an chim rih lo. Cun Taluk company cheukhat nih Telenor cu cawk dingin an hal len ve tiah TMT Business media nih a tial.

The Chin Post