Rakhine ramkulh ah fak ngai in a hrangmi Mocha thlichia ruangah Sittwe khuachung inn zatuak sawmriat(80%) leng an rawk, tiah tualchung mi pakhat nih a chim.
Tualchung mi pakhat nih cun, “Sittwe khuachung ah hin tualchung mi hna umnak inn lawng si loin sianginn tibantuk zong tam ngai an rawk. Cu pin ah thingkung le electric tung hna zong an pur i, inn tampi cu nawncek nih a khuh dih hna. Khuachung inn zatuak 80 leng hrawng hi a rawk i remh ding a tam hringhran,” tiah a chim.
Thlichia ruang ah hin nunnak a liam mi zong tam ngai an um, tiah theih a si. Atu ahcun mah umnak chuahtak in hmundang i aa dor mi zong an umnak hmun ah an kir cang hna i, bawmchantu phu hna zong nih an zuanhnawh hna, tiah theih a si. Cred : The Chin Post
Leave a Reply