THawngthar, Putin Nih President Zelensky A Nawl

Putin Nih Zelensiky A Nawl

Russia Putin hen tangti rual a si mi pakhat cu Ukraine nih an tlaih caah Russia ni na ka thlah piak tthan cun thongtla vialte ka thlah ve hna lai tiin  Ukriane a nawl tiah theih a si. Russia ah President Putin he aa neih niam bik mi rangti rual tiah hmuh mi Russia nih a herh mi sahrang hriamtlai pakhat a si mi Victor McVeigh cu,

An tlaih nak kong Ukraine nih theihter, langhter nak thawng a thannh hnu ah Russia nih nan kan thlah piak tthan a si ah cun kan mah nih kan tlaih mi hna Ukraine thongtla pawl kan thlah ve hna lai tiah Russia nih a nawl tiah theih  asi. Hmathlak ah Ukraine angki aa hruk mi khi Ukraine hmunhimtu hna nih an hruk ter i an tarlangh mi a si.

SAC Nih Uknak Lak Hnu In Mizoram Ah Rit-sii Zuartu An Karh, Myanmar ram SAC nih hramhram in nawlngeihnak a lak hnu ah, India-Myanmar ramri Mizoram ah rit-sii zuarnak le rit-sii zuar ruangah tlaihkhih a tongmi an karh tiah Mizoram Excise & Narcotics (MEN) department nih cathanh an chuah.

MEN nih cathanh an chuah ning ah Mizoram chung rit-sii hmangmi an karh ruangah si lo in, Myanmar ramchung ramkhel lei ruangah Mizoram lei ah rit-sii tampi a phanhnak hi a si tiah The Aizawl Post nih a tial. Mizoram chungah tlaihmi rit-sii tambik cu bing-rang le Methamphetamine an si. A tulio hrawng Mizoram ah bing-rang ruangah tlaihkhih a tongmi hna hi cu hlan ah bing-rang zuarmi le cawtu si lo in, mithar an si tiah MEN department nih cun a thanh.

Mizoram ah tlaihmi bing-rang tamdeuh cu Myanmar ramchung Chin ramkulh India-Myanmar ramri thilkuatnak lam in phorhmi an si i, kum dang nak in SAC ralkap nih nawlngeihnak an lak hnu ah Mizoram chung bing-rang tlaihmi cu tamtuk a karh deuh tiah theih asi.

SAC Ralkap Nih Tar Kum 84 Telh In Mipi 1,745 An Thah Cang Hna, Myanmar ram ah uknak lak a si hnu kum khat leng chung 2022 April 12 tiang ah SAC ralkap nih sualnak ngei lo mipi 1,745 an thah cang hna i an tlaih mi hna hi 13,223 an si cang tiah theih a si. Tlaih ding in nawl chuah ruang ah a zaam mi 1,976 lak ah hin hrithlai ding in biakhiah piak mi minung 41 an si i 120 cu thong thlak ding in bia khiah piak an si. Hrithlai ding in bia khiah piak mi minung 1000 an si cang.

April 11 ah khan Magway ramthen Seihphyo peng Shia Hla khua ah SAC ralkap le pyosawtee an lut i aa hngilh lio mi 84 a si cang mi Daw Khin Tan cu mei in an khangh. Khualuhnak le khuachuahnak ah bomb an hmanh i U Min U timi pa nih aa lamh sual ruangah a hmun ah a nunnak a liam tiah theih a si.

Cun April 10 zong ah khan Magway ramthen Minbu khuapi ah a um mi Ko Aung Pyi Sung (kum 19) cu a hawi nu 2 he khuachung an len lio ah minung 3 cycle an i pherh ti’n SAC ralkap nih an tlaih hna tiah theih a si. Hi a thi mi le tlaih a tong mi hna kong hi AAPP nih cazin a lak mi ning in thanh mi a si.

Myanmar Ram Pumpi In April 12, 2022 Nikhat Chung Ah SAC Ralkap 63 An Thi, Myanmar ram pumpi in dohthlennak tuah hnu April 12, 2022 nikhat chung kahdohnak ah SAC ralkap 63 an thi i, PDF 1a nunnak a liam tiah Yangon Khit Thit nih a thanh. Cazin ning ah SAC ralkap a thi mo hi Sagaing ramthen Pinlaybu ah 30, Minmu ah 10, Magaway ramthen Poh peng ah 10, Minhla pemg ah 2, Pago ramthen highway kam mengtung 50 ah 3, Karen ramkulh Kawkareik ah 2,Yangon ramthen Kunchiankung ah 1,Karenni le Shan aa peh nak Pinlawng ah 5, an dih lak 63 an si. Sagaing ramthen Kani ah PDF pakhat a nunnak liam.

Russia Putin hen tangti rual a si mi pakhat cu Ukraine nih an tlaih caah Russia ni na ka thlah piak tthan cun thongtla vialte ka thlah ve hna lai tiin  Ukriane a nawl tiah theih a si. Russia ah President Putin he aa neih niam bik mi rangti rual tiah hmuh mi Russia nih a herh mi sahrang hriamtlai pakhat a si mi Victor McVeigh cu,

An tlaih nak kong Ukraine nih theihter, langhter nak thawng a thannh hnu ah Russia nih nan kan thlah piak tthan a si ah cun kan mah nih kan tlaih mi hna Ukraine thongtla pawl kan thlah ve hna lai tiah Russia nih a nawl tiah theih  asi. Hmathlak ah Ukraine angki aa hruk mi khi Ukraine hmunhimtu hna nih an hruk ter i an tarlangh mi a si.

Be the first to comment

Leave a Reply

Your email address will not be published.


*