Russia Nih Poland Sin I Gas A Pek Tawn Mi Cu A Donghter Cang!
Russia nih Yamal minthutnak phunglam in Poland sin ah gas a pek tawn mi cu nizan April 27 khan a donghter cang, tiah European Union Network of Gas Transmission operator data nih a langhter. Ukraine cung i a cawlcanghnak ruangah nithlaklei ram hna he i theihthiam lonak an ngeih mi cu a karh deuh lai, tiah zumh a si.
Poland bantuk ṭhiam in EU le NATO member a si mi Bulgaria zong Russia nih Gas ka phihkhar lai, tiah a thanh rih. Ukraine nih cun Russia cu Europe ram hna he rianṭuanṭinak a hrawktu ah a puh i, Europe ram cu Gas le Oil phihkharnak in hrem timh ah a puh. President Zelenskyy nih cun, “Russia nih an i timh bik mi cu Ukraine ram laak lawng siloin Europe ram hna le nichuahlei ram hna laak a si i, democracy uknak hrawh dih zong aa timh bik mi a si,” tiah a chim.
Poland le Russia cu gas kongkau ah hnatlaknak an rak tuah i, kumkhat ah cubic meter 10.2 billion Poland sinah supply ding in minthutnak an rak ngei. Russia in a cawk mi gas hi Poland nih a herh mi 50% a si. Roland tang i gas lei tlaitu PGNiG nih cun Russia nih Belarus le Ukraine ramchung in gas a pek tawn mi cu nizan zing suimilam 8 hrawng ah khan an phih cang, tiah an thanh. Sinain Poland nih cun gas khon cia mi tampi an ngei rih i, gas khawmnak(storage) ah 76% hrawng a um rih, tiah an thanh. Russia president Vladimir Putin nih cun, Russia sin i gas a cawtu hna nih Russia phaisa Rouble lawng in cawk khawh a si lai, tiah a rak thanh. Cu phungphai cu ram tlawmpalte lawng nih an zulh khawh, tiah theih a si.
Bangkok Khuapi Ah Rian Tuan Dingin Phung Ning Loin Kal Aa Thawh Mi Myanmar Mi 14 An Tlaih Hna, Thai ram Bangkok khuapi chung lei ah phung ning loin luh dingah Kawpi a phortu motor chungah aa thup mi Myanmar mi minung 14 hna cu Thai polices phu hna nih Tech pengkulh chungah April ni 27 zaan lei suimilam pa 6:00 hrawngah an tlaih hna tiah thawng theih a si.
Thai ram, Tech pengkomh, Photpha pengkulh in Mae Sot leiin a ra mi Kawpi a phortu motor pahnih cu zohfelnak an tuah i moptor pakhat ah Myanmar mi 7 cio in an hmuh hna tiah thawng theih a si. Mah riantuantu hna cu Kayin ram, Myawady chak lei le Kyauk Khak in Thairam Tech pengkomh,
Photpha peng chungah a lut mi an si i, Bangkok khuapi lei ah riantuan dingin an kal lio ah an tlaih mi hna an si tiah thawng theih a si. A tu ah Thai polices phu hna nih phung ning a si mi tetta a ngei lomi Myanmar mi pa (pa9) , nu pa 8 he Thai ram mi pafa minung pahnih zonng tlaih chih an si tiah theih a si.
Leave a Reply