Thawngthar : NUG nih Mindat Ralzam hna Sin ah Bawmhnak a Phakter Khawh Cang

Caankarlak cozah NUG nih harnak tampi lak ah lam tampi kawl in Mindat ralzaam hna sin ah si-ai, thilpuan le muka tibantuk bawmhnak pawl a phakter.

SAC ralhrang nih ruru hranghrang in khuami pawl ral an ser hna caah Mindat peng khuasa milu 13,000 hrawng hi ramlak ah an zaam hna, tiah NUG nih a langhter. Cred : The Chin Journal

Relchap : Paletwah ah rallokap nih mino 10 an tlaih hña…

Nizaan (May 28) zing suimilam 7:30 hrawng ah Palewah khuachung hmunhnih ah bomb puak aum hnuah, biahal ding kan in ngeihhña tiah Paletwah khuachung um mi mino 10 cu rallokap phu nih (May 28-29) ah an umnak inn ah tlaih in an kal pi hña, nihin zaanlei suimilam 4:00 tiang ah thlah an si rih lo.

(May 28) ah tlaih mi hña cu : Ko Chan Moe( health), Ko Awng Tun Soe(NGO), Ko David (WFP), Ko Eih Min, Ko Eih Tun Min( company), Ko Lai Peng(sport), U Ya Kyaw ( NGO), Ko Eih Tun Min (forest),

Daw Ongma Hlah Myint Thae (စာရင္းစစ္) le Ko Tiha Awng(Yakhine) hña cu nihin (May 29) ah rallokap nih an umnak inn ah tlaih in Paletwah palik sakhan ah an kal pi hña .

An tlaihhna nak a ruang bik cu, puahkehnak ruangah biahal check hlat ding , Mindat CDF caah bawmh halnak kong cun Paletwah CDF an dirh nak kong hlathlai ding in a si ko lai tiah khuami pakhat nih a chim.

Mino hña tlaihkhih an tonnak kong he pehtlai in zei bantuk tette hmanh um lo in an tlaih mi hña hi a sullam a um lo, kan cohlang kho lo, Paletwah ah hriamtlai in um mi cu rallokap phu le AA hriamtlai phu lawng an um, cucaah bomb puahnak he pehtlai in an mah phuhnih chungah Phukhat khat an si ko lai.Paletwah(CDF) nih tuah mi a si hrim lai lo tiah Khumi media ah a chim.

Cu tlaihkhih a tong mi chung in Daw Ongma Hlah Myint Thae a mah pakhat lawng nihin zaanlei ah an thlah than cang nain, zei bantuk biahal nak dah an tuah tiah pehtlaih in thawng hlat khawh a si lo.

The Chin Post

Be the first to comment

Leave a Reply

Your email address will not be published.


*