Thawngthar, NUG nih a Sermi PDF Ralkap Bu Training Limnak an Tuah

Caankarlak Myanmar cozah NUG nih a sermi People Defense Force (PDF) training limnak nihin (May 28) ah an tuahmi cu CRPH nih a langhter.

NUG nih Myanmar ramchung ah PDF Command Center 5 in a ser i, atutan training a limmi hna hi SAC ralhrang do ding in PDF Southern Command (တောင်ပိုင်းစစ်ဌာနချုပ်) ah a pum aa pemi mino pawl an si hna.

Training limnak hmun ah NUG Home Minister U Lwin Ko Latt nih a telpi hna. Cred : The Chin Journal

Relchap : Kalay-Gangaw karlak ah May 28, tuni zanlei 2 hrawngah ralhrang le mipi kahdohnak a um. Gangaw in Kalay lei a kalmi ralhrawng mawtaw 4 khan mipi in an kahmi a si. Mawtaw pakhat mei in an khangh tiah theih a si.

Kalaymyo vanlawngbual cu May 28, tuni thok in a chuaklei an phih, a lut lei lawng an onh. Vanlawngbual riantuantu hna nih a chuaklei an phihmi cu Covid zawtnak ruangah a si tiah an chim.

May 29, thaizing in mawtaw zong an phih lai tiah theih a si. Cred : Thechinpost