Magwe le Sagaing Ramṭhen Kahdohnak Thawng
Magwe ramṭhen, Myiang, Pakukku peng le Sagaing ramṭhen Khin Oo, Wattlat le Pale peng ah SAC ralkap mawṭaw le Pyo Saw Htee phu hna lam cu kahdoh an tong i Pyo Saw Htee le SAC ralkap 9 an thi, tiah theih a si.
Magwe (မကွေး), Myiang Peng( မြိုင်မြို့နယ်): Magwe ramṭhen, Myiang Peng, Soe Win lamṭhen pawng, Myiang-Bahin lampi ah SAC ralkap hna le mizapi vengtu ralkap hna cu March 30 zinglei Sml 7:30 ah hriamngan le hriamhme in an i kap i, SAC ralkap 5 an thi, tiah Myaing Village’s Revolution Fornt(MVRF) nih a thanh. MVRF lei in ralkap pakhat nih hliam a tuar ve, tiah theih a si.
Pakokko Pengchung Ah SAC Ralkap Motor 3 Bomb Puah An Tong!: Pakokko peng, Gyunchawng(ကျွန်းချောင်း)-Saithphyu (ဆိတ်ဖြူ) lampi in Ganphy(ကမ်းဖြူ) khua lei ah a kal mi SAC ralkap motor 3 cu nihin March 30, zaanlei suimilam 4:00 ah bomb puah an si i, SAC ralkap pahnih an thi, tiah Myitchay(မြစ်ခြေ) – Gyunchawng(ကျွန်းချောင်း) mizapi vengtu ralkap in Bu G3 nih a chim.
“A thi mi minung 2 cu motor cung ah an khin hna ka hmuh, minung 5 nih hliam an tuar i, light truck motor zong a rawk dih. SAC ralkap lei hmai an fon rih ah cun tuah ding mi timhtuahnak dang zong kan ngei ko, kan herh bik mi cu hriamthil hi a si,” tiah Bu G 3 nih cun a chim.
Sagaing (စစ်ကိုင်း)၊ Khin Oo (ခင်ဦးမြို့နယ်): Sagaing ramṭhen, Khin Oo peng Yoktua Ai khua thlanglei in Kala Luu khua lei ah a rak kai mi SAC ralkap hna cu March 29 zanlei ah mizapi vengtu ralkap hna nih bomb in an puah hna i SAC ralkap 2 hliam faak an tuar, tiah theih a si. Cu SAC ralkap hna cu Alay Soe (အလယ်ရှို)khua ah zan an riak i, Yoktua Ai ( ယောက်သွားအိုင်) khua thlanglei in Kala Luu ( ကုလားလူး ) khua lei an kai lio ah mizapi vengtu ralkap nih an doh hna, tiah theih a si.
Sagaing (စစ်ကိုင်း)၊Pale Peng ( ပုလဲမြို့နယ်): Sagaing ramṭhen, Pale peng, Inn Mah Htee ( အင်မထီး) khua le Kain Twin ( ကိုင်းတွင်း) khua karlak ah March 30 zinglei Sml 9:20 hrawng in SAC ralkap le M7 Force mizapi vengtu ralkap hna cu Sml 2:00 chung hrawng an i kap i, Pyo Saw Htee 2 an thi, 5 hliam faak an tuar, tiah M7 Force sin in theih si.
Mandalay, Zwe Htet Sui Dawr 2 Ah Bomb A Puak I Minung 15 Hrawng Hliam An Tuar!
Mandalay khuapi No. 84, 30 lam ah a um mi Zwe Htet(ဇွဲထက်) sui dawr ah nihin March 30 chunhnu Sml 1 hrawng ah bomb a puak i minung 15 hrawng hliam an tuar, tiah tualchung mi nih Yangon Khit Thit ah an chim.
Cun, Mandalay khuapi No. 62 lam ah a um mi Zwe Htet Sui dawr ṭhiam ah bomb a puak i motor pakhat thlalang a kuai dih, tiah theih a si. Atu hi Mandalay ummi Zwe Htet sui dawr cu an khar i, a dang sui dawr hna zong an khar ve hna, tiah theih a si.
Zwe Htet sui dawr bomb a puahtu hi zei bantuk phu an si hngalh a si rih lo. SAC le pyosawthi hna zong nih civil mi le mipi vengtu ralkap kar ah i hmuh thiamlonak chuak ding in mipi umkal deuhnak le an i chawhleh deuhnak hmun pawl ah bomb an puah ṭheo tawn, tiah dohthlennak a tuahtu hriam tlai cheukhat nih an chim.
SAC Ralkap Aung Pyih Sone Cu KNU Brigade 1 Sin Ah A Hriamnam He A Lut: Thaton( သထုံ) peng, Pine Netaw( ပိန္နဲတော ) sakhan um SAC ralkap Sah-Kah-Khah 8 kuttang, Khah- Mah-Yiah 410 Battalion in Aung Pyih Sone cu a hriamnam tling he KNU Brigade 1 sin ah a lut, tiah theih a si.
Aung Pyih Sone cu MA1 meithal 1 le meithal kuan zeimawzat he KNU Brigade 1 sin ah CDM a tuah. Atu hi KNU Brigade 1 sin ah CDM tuah in a lut mi SAC ralkap 10 nak tam an si cang, tiah theih a si. Crd- The Chin Post
Russia le Ukraine ton biaruah ceihhmainak cu Turkey ram ah tonnak an ngei tthan lai tiah theih a si. Russia le Ukraine tonbiaruah ceihhmianak cu Turkey ram Istanbul khuapi ah tuah dingin President Putin le Turkey president Recep Tayyip Erdoğan hna cu March thla ni 27 ah lungtlinnak an ngei cang tiah Turkey president zung nih thawng a thanh.
Ukraine cozah lei in tonbiaruahnak Palai pakhat a si mi Davyd Arakhamia zong nih Russia-Ukraine tonbiaruah tuah than ding ceihhmainak cu a ra lai mi thla chungah Turkey ram ah tuah a si lai tiin ni zaan, zing lei ah a chim
Russia Le Ukraine Tonnak An Ngeih Than Lai
Russia le Ukraine ton biaruah ceihhmainak cu Turkey ram ah tonnak an ngei tthan lai tiah theih a si. Russia le Ukraine tonbiaruah ceihhmianak cu Turkey ram Istanbul khuapi ah tuah dingin President Putin le Turkey president Recep Tayyip Erdoğan hna cu March thla ni 27 ah lungtlinnak an ngei cang tiah Turkey president zung nih thawng a thanh.
Ukraine cozah lei in tonbiaruahnak Palai pakhat a si mi Davyd Arakhamia zong nih Russia-Ukraine tonbiaruah tuah than ding ceihhmainak cu a ra lai mi thla chungah Turkey ram ah tuah a si lai tiin ni zaan, zing lei ah a chim
Leave a Reply