Thawngthar, Moebe Palik Sakhaan PDF nih an Lak, SAC Ralhrang 4 an Tlaih Hna

Shan ramkulh le Kaya ramkulh ramri ah a ummi Moebe khua i SAC ralhrang palik sakhaan cu mipi runvengtu ralkap PDF nih nihin ah an lak i SAC ralhrang 4 a nung in an tlaih hna. Ralhriam pawl zong an lak khawh. Cred : The Chin Journal

Relchap : Mipi Ralkap nih Moebyet ralhrangbu umhmun an kah, Ralhrangbu nih meithal ngan he khuachung an kah

May 23 tuzing suimilam 9 hrawng in Shan le Karenni ramri ah a ummi Moebyet palek umhmun cu mipi ralkap nih an va tuk, Ralhrangbu Batalion 422 nih mipi umnak khuachung lei hoihin Meithal ngan he an kah caah inn le lo a rawk mi zong a um tiah theih a si.

Moebyet hi Shan le Karenni ramri, Shan ram a hriang bik khuapi pakhat a si i Karenni khualipi Lwekaw he a pehmi hmun a si.

Lwekaw, Demoso peng ah mipi Ralkap nih ralhrangbu pawl an kah hna caah i kah nak zong fak piin a chuahnak hmun a si.

Mipi ralkap nih Moebyet hrawng Mipi pawl cu nizaan zaanah leng chuak lo ding le emergency caah Ei-din, Sii-ai, Hruk-aih hna timhcia tein um dingin theihternak an tuah.

Phekhung ah hmunkhuar mi ralhrangbu pawl nih nizaan pakua le cheu hrawngah minute 15 chung hrawnng meithal an puah. Pinlong, Phekhung, Lwekaw lam Kalaw chekgate ah ralhrangbu pawl biatak tein mi an chek hna, Lam zong phih an timh tiah theih a si.

The Chin Post