Thawngthar: Minung 25 Thahnak Kong Ah KNU Nih Hlathlainak A Tuah

Kayin ramkulh,Wailay khua Kanelay khua pawng i minung 25 an tlaunak ah thah an si mi kongah hlathlai asi lai tiah KNU nih June 16 ah thawng a thanh.

Mah hna hi KNDO nih an tlaih hna i an thahhna tiah rallokap nih an thanh.

KNDO cu KNU tangah a ummi asi caah KNU nih a hlathlai dingin a thanh hi asi.

Rallokap nih a thanh ning ah Kanelay-Mawkhi lam,Omhu hlei donhnak ah riantuan mi 47 cu May 31 ah KNDO nih an tlaihhna tiah an chim.Mah hnu nikhat ah 22 an thlah hna i 25 cu KNDO nih an thahhna tiah an thanh.

The Chin Post

Relchap: June 16 ah Tonzang peng Phaitu khua ah Covid-19 mizaw 41 an hmuh. Khuami nih Chin mipi sinah thlacam bawmhnak an hal.

Phaitu ah mi tampi an zaw. Nizan ah minung 160 an zoh mi chungah mi 41 sin in covid-19 an hmuh. Mizaw hna hi Tonzang sii-inn ah kuat an si. Mi pakhat a thi cang. Mizaw tam deuh cu an dirhmun a tha lo. Nan thlacam bawmhnak kan herh ko tiah khuami pakhat nih a chim.

The Chin Post