Matupi ah May 21 tuzing suimilam 8 thawkin ralhrangbu nih Telephone pehtlaihnak le Elektrik mei vialte an phih tiah theih a si.
“Telephone line an chah dih, zeitik dah a ngah than lai kan thei lo. Nizan tiang kha cu a ngah rih ko. Tuzing suimilam 8 hrongin a ngah ti lo, zeitikah an on than lai kan theih lo. An duh tikah a kan phih piak, an duh can ah an on than, Telephone line hi a punghman bal lo. A tutiang cu a ngah rih lo. Kan hnu lei zong nikhat chung an phih” tiah Matupi khuami pakhat nih a chimh.
Matupi ah Telenor hi an hmang deuh mi a si, a tubantuk line an phih caah harsatnak tampi kan tong, zei ruangah line an chah tih zong kan thei rih lo tiah a ti.
Nizan zong Mei hmih piak a si, tuzing suimilam 8 hrongah a kan pek than nain chun hnu suimilam 1 rongin Mei line cu an phih than tiah theih a si.
Matupi ah nizan suimilam 9 ah ralhrangbu Mawtaw 11, Cycle 6 hrong an rak phan. Khawzeilei dah an kal lai tih kan theih lo. Tuzing ah Helikoptar 1 a tum, Chun 12 hrongah Mindat lei a kir than tiah theih a si.
The Chin Post
Leave a Reply