Thawngthar: KIA nih Shweku ah tilawng pakhat an kah tiah langhter asi

Tuzing suimilam 11 le cheu hrongah Kathar in Shweku lei a rak kai mi Tilawng pakhat cu Shweku peng Minkyaungkung le Thayarkung khua karah KIA nih an kah tiah theih a si.

“An kah an ti mi hi bia dik a si, Thayarkung khua pawng ah a si. Rallokap pawl an tel caah KIA nih a kah mi a si, Pazeizat dah an tel tih cu kan hngal ko. Cun rasen zong an rak phawr” tiah Shweku khuami pakhat nih a chimh.

Tilawng hmai lei cu kuan nih a khen caah Bokung khua hmaitonh tikulh pakhat ah a dir tiah theih a si.
Arawady tiva lampi Mandalay-Kathar-Shweku in Bhamo ah Ralhrangbu nih thazaang le rasen an kuat tonnak nak lam a si. KIO/KIA Brigade 5 le 3 lei an dohnak ah an biapi tuk mi an lam a si caah KiA zong nih mah lam in a rak kai mi Ralhrangbu nih an hmang mi Tilawng pawl cu an kah lengmangnak a si.

The Chin Post

Be the first to comment

Leave a Reply

Your email address will not be published.


*