Thawngthar : Khah Vanzang Tlang Tluan Cu A Tuhi Ralhrang Nih Jet Fighter In An Hel Cuahmah Ee

 Vanzang Tlang Tluan Cu A Tuhi Ralhrang Nih Jet Fighter In An Hel Cuahmah Ee

May 26, Thantlang le a peng Vanzang tlang lei hrawng cu, ralhrang Langta nih ahel len lio tiah kan theih.
Khua mipi hna lungrethei ngai in an um hna caah thlacamnak in bawm cio hna usih.

Mah langta, jet hi Magwe vanlawngbual in a hun zuangmi si tiah kan theih chap.Crd… Salai William Hlawnceu

Relchap : Banmauk Peng Kahdohnak Ah SAC ralbawi 1 Telh In Ralkap 20 An Thi

Sagaing ramṭhen, Banmauk peng Kyawnglay khua pawng kahdohnak ah SAC ralbawi 1 telh in ralkap 20 an thi, tiah Banmauk Revolution – BR in ṭuanvo ngeitu pakhat nih a chim.

Banmauk peng Kyawnglay khua ah umhmun a khuarmi SAC ralkap cu May 24 ah Banmauk Revolution – BR nih an va kah hna i SAC lei nih vanlawng in kah an bawmh hna, tiah theih a si.

Cu kahdohnak ah cun ralbawi 1 a thi i, a ruak la ding in a kalmi SAC ralkap pawl cu an kah ṭhan hna i 20 an thi. Kyawnglay khua zong an laak khawh i, vanlawng nih atu le tu kah a bawmh hna, tiah theih a si.

Kyawnglay khua pawng ah ni 6 chung hrawng kahdohnak a chuak i SAC ralkap a thimi an tam. Indaw peng in bawmtu ralkap an kalmi hna zong ABSDF le PDF nih nihin May 25 tiang an kah hna, tiah theih a si. Cred : The Chin Post