Thawngthar, Kareni Ram Kahdoh Nak Thawngpang

”Chun nitlak in kan i kahnak hi nithum a si cang, kan hnu April 11 , zing slm 7:00 ah SAC Ralkap hriamngan ruang ah KNDF ralkap 6 an nunnak liam i 20 hrawng hliam an tuar” tiah KNDF ralkap pakhat nih a chim.

SAC Ralkap le CNDF Kahdohnak Ah SAC Ralkap 3 Hliam An Tuar, Nihin, April 14 chun ah CNDF le SAC ralkap karlak kahdohnak a chuak i SAC ralkap 3 hliam an tuar tiah CNDF nih catthanh chuah. Kalay peng Taungthar khua kam ah nihin April 14, chun suimilam 12:00 hrawng in SAC ralkap le CNDF suimilam cheu hrawng i kahnak ah, SAC ralkap a tlawm bik 3 an i hliam i CNDF lei thi le hliamtuar um loin kan kir kho tiah CNDF nih cathanh chuah.

Hi nithum chung kahdohnak ahhin KNDF ralkap a nunnak liammi dihlak 10 an si cang i 20 leng hliam an tuar cang, SAC ralkal lei a thimi 50 nak tlawmlo an si lai tiah theih asi. Karenni (Kaya) ramkulh chung ah Karenni(kaya) ralkap pawl le SAC Ralkap karlak kahdohnak ruang ah Lwaykaw- Taungyu lampi he ai naihnak ah a ummi khuate 5 in mipi thongnga( 5000) hrawng cu ral an zam i tthutdirnak le eidin kong ah harsa ngai in an um.

April 11 Kahdohnak Kong PDF-Kalay Nih Nihin April 14 Ah Cathanh An Chuah, A luancia April 11 zaan ah Kalay peng thlanglei Sitha khua ah umhmun khuar mi, SAC ralkap pawl cu April 12 zinglei sang ah ralkap thazaang 150 hrawng nih Natmyaing(နတ်မြောင်း) khua leiah rallam an rak sial ṭhan i zing suimilam 10:00 hrawng ah cu khua pawng ah PDF-Kalay, CNDF, fonhkomh phu pawl he kan i kap i, chun suimilam 12 tiang a zualhma ngai.

PDF-Kalay ralkap pakhat a nunnak a liam i, SAC ralkap a thimi le hliamtuar an um kho ko nain thawngfiang kan thei kho rih lo. SAC ralkap pawl cu nihin zingka tiang Natmyaing le Natchaung khua chungah umhmun an khuar i zing suimilam 8:00 hrawng ah Insein khua leiah an kir tiah PDF-Kalay nih cathanh an chuah.

Ukraine cu Moscow i kahdohnak cu miphun cihmih bantuk a si  tiah American president Biden nih a chim lio caan ah Russia lei zong nih kahdohnak cu punghman ning in pehzulhin kan i timh mi kan phak hlan tiang kan tuk ko lai tiah Russia president Putin nih a chim.

” Aw a si ko. Miphun cihmih a si tiah ka chim. Zeiruang ah dah a si ti ah cun Ukraine fa ka si ko ti mi cu Putin nih hnawn hna dingin aa timh, aa zaum timi cu hi nak in theih thluahmah a si cang i tette pawl zong tampi a um ko ” tiah U.S President Biden nih a chim.

” Miphun cihmih aa timh, miphun cihmih a si le si lo cu vawleicung huap biaceihtu sihni hna pawl cu biachah nak ka tuah ter hna lai. A si nian kei mah lei in cun miphun cihmih a si k” tiah Biden nih a chim chap.

Russia nih khua nu, khua pa pawl thah nawn dingin a timh hna timi cu an mah Russia lei nih a tu le tu in mah bia cu an cohlang duh lo, an hnawn i ral chung ah Russia nih mipi pawl thahhren in a tuah hna timi Ukraine le Nitlak lei ram hna nih an chim mi cu Russia lei nih an duh ning an herh ning paoh paoh in an chim phuan i leh nak an tuah tiah theih a si.

A sinain Russia ralkap pawl hnu lei ah an kir hnu ah Ukraine ram i thlang lei khuapi hna ah mithi ruak cu lam cungah tampi hmuh a si tiah theih  a si. Russia ralkap pawl an chuah nak Kive khuapi pawng hrawngah mithi ruak cu 720 an hmuh tiah theih a si.