Israel nih cun hngakchia kum 12 cunglei hna sinah Covid-19 Vaccine booster pek a thawk cang. Kan hnu thla ah khan upa lei deuh hna sinah Vaccine booster pek hi thawk asi, mah nih hin Delta Variant atlawm ter phah ngai tiah Prime Minister zong nih a chim.
Israel health official hna nih cun zarhpini ah khan thawngthanh nak tuah in, Pfizer-BioNTech vaccine lak hnu thla ruk ah vaccine riantuan ning anuar deuh caah booster lak abiapi ngai tiah an chim.
“Dose thumnak kan lak mi nih hin dose hnih nak kan lak lio i himnak akan pek bantuk akan pek khawh” tiah Israel Health Ministry i public health hruaitu Sharon Alroy-Preis nih cun achim, “Vaccine dose thum nak kan lak mi nih alet 10 bak in akan ven khawh” tiah a chim chih.
Aluan cia thla 5 lio i Covid-19 Vaccine dose hnih nak achunh mi nih cun dose thumnak hi an lak khawh lai. Dose 3 tiang i chunh ah cun atulio i tih a nung taktak mi Delta Variant in him khawh asi tiah chim asi.
Leave a Reply