THAWNGTHAR : Hakha Peng, Vanha Biakinn Mei in a Ciam Dih

Nihin zaanlei sml. 12:30 le 1:00 karlak hrawng ah Hakha peng, Vanha Baptist Church (VBC) biakinn cu Solar he an pehmi Battery mei ruang ah a ciam dih tiah thawng kan theih. VBC biakinn hi a tung pe 70 le a vaang pe 30 a kaumi a si i, biakinn an sak dihnak kum 3 lawng a si rih. Cred : The Chin Journal

Relchap : Pathein ah tlaih a tongmi mipi ralkap pakhat a nunnak a liam, khuachung minung 30 leng tlaih an tong Ayarwady ramthen Pathein no.4 sang November 16 zaan ah Yekyaung palik sakhan cu kahdoh an tong, kahdoh a dih hnu ah a hliamhma he tlaih a tongmi mizapi ralkap pakhat a nunnak a liam i khuami minung 30 leng tlaih an tong. pengkomh mizapi vengtu ralkap Mawng Ngian(မောင်ဉာဏ်) cu a nunnak a liam tiah chimphuan nak nawl ngeitu pakhat nih a chim.

” Cu zaan kahdoh nak ah ralhrang lei meithal nih a hliamh caah tlaih a tong, thawng an zamh ning ah cun sizung ah kan thlop tiah an chim, nihnih a rauh hnu ah Mawng Ngian a thi tiah a chungkhar cu thawng an thanh hna” tiah mizapi vengtu ralkap chung in rianngei pakhat nih a chim. Ralhrang phu nih an tlaih mi Mawng Ngian cu a kee ah kuan hliam a tuar, ralhmun ah a thih zong si kho tiah ruah a si. Kahdoh a chuah zaan ah ralhrang phu nih khuachung sangkip in mino 30 leng cu kahdohnak ah nan i tel an ti hna caah an tlaih hna tiah theih a si. DVB

The Chin Post