Thawngthar: American rammi kawlram chung ah ummi hna cu, a rannak in an kal ah a tha lai tiah Yangon tanzung nih ruahnak an pek

American rammi kawlram chung um , a rannak in an kal ah a tha lai tiah Yangon tanzung nih ruahnak a pek….

Kawlram chung ah American rammi hña tu lio caan ah rat lo ding le, kawlram chung ah um mi ( pawngkam hna hnawh nak zeihmanh um lo in chuah a ngah ah cun) a si khawh chung in chuah zok ding ah Yangon American tanzung nih ruah nak a pek.

Khual tlawn, rian ruang ah le a Phun phun ruang ah kawlram chung a um mi American rammi hña cu tinh in ruahnak pek a si tiah i fiang khawh asi.

Kawlram kong he peh tlai in American Foreign Affairs office nih a tu ruahnak a pek mi hi tihnung le thinphang a si mi ralrin pek nak a sang bik hmunli nak a si tiah a chim chap.

Tanzung riantuan tu hña he peh tlai in um lo sikho lo mi hna ,rian ngei tak tak dah ti lo , a dang , chungkhar kawlram chung in chuah hnu rat than duh ah cun rat khawh than a si ko, a luan cia March thla dih lei ah Khan chimh chung an si cang.

A tu kawlram chung ah a um mi American rammi hña an um rih ko awk a si ti lo tiah tanzung nih ruahnak a pek mi cu Yangon telh chih in khua kip ah puah keh nak peh tlai in a chuah caah si tiah a chim.

Leng chuah tik ah ralring ten um ding le, American rammi si nak tatte passport kal nak kip ah i ken ding, minung tam an um nak hmun le rallokap nih uk nak tiah thanh nak hmun si mi Yangon, Mandalay lei hna ah va kal len lo ding cu American tanzung ruahnak pek mi chung ah aa tel mi hna an si .

The Chin Post