Thawngthar

KNLA Le TPDF He Kahdohnak Ah Ralhrang 20 Hrawng An Thi: Nizaan October 24 ah Mon ramkulh Thaton pengkomh, KNU/KNLA Brigade (1), Battalion (2), Battalion 1) le Thaton peng mizapi runvengtu Thaton PDF le ralhrangbu/ BGF kahdohnak voi 5 a um i ralhrang/BGF lei 20 hrawng an thi tiah theih a si. Oct 24, nizaan zingka suimilam 4:30am hrawngah Ayedaung khua le Wanbeyinn khua karlak ah voi 1, suimilam 5:30 hrawngah Alay khua le Wanbeyinn khua karlak ah voi 1,

zingka suimilam 8:30 Am ah Thonbougyi khua luhnak ah voi 1, Thonboay khua karlak ah voi 1, zinglei suimilam 10:30 hrawngah Weyzaw le Thonbogyi khua ah voi 1, a dihlak fonh ah voi 5 kahdohnak a um. Hi kahdohnak ralhrang 20 hrawng an thih pin ah hliamtuarmi an tam tuk. Asinain KNU-KNLA Brigade 1 le Thaton, PDF lei a thimi le hliamtuarmi kan um lo tiah TPDF nih cathanh an chuah. Ref: Than Lwin Khet News

Phekhone Leiah A Kalmi Ralhrang Mawtaw PDF Nih An Kah, Ralhrang 10 Leng An Thi: Kaya (Karenni) ramkulh Loikaw in Phekhone lei ah a kalmi ralhrang mawtaw panga hna cu Oct 24, nizan zinglei ah Mobae PDF le Karenni PDF (Karenni National Defense Force) nih an kah hna i ralhrang 10 leng an thi tiah Mobae PDF nih an thanh. Hliam tuar zat cu fiangin theih a si lo. An i kah chung hi minute 15 lawng a rau.

Mipi vengtu ralkap hna cu hliamtuar le a thimi um lo in hnu an tlolh kho tiah theih a si. Mobae hrambunh ralhrang 422 battalion nih Mobae khuachung minung umnak ah hriamngan voi 10 leng an kah caah kum 44 a simi nu pakhat a thi i minung 5 hliam an tuar fawn. Loikaw ah a ummi fimcawnnak zung riantuantu pakhat nih cun “Ralhrang nih cun an singh lecangka in dai tein a ummi mipi umnak lei an kah peng ko. A ruang cu mipi nih an huat tuk cang” tiah a chim. Ref: Delt

ASEAN meeting ah rapper Sai Sai cu an sawm lai tiah thawngpang a leng: Kum 10 leng tangah tla loin a min a thang peng khomi Myanmar top singer Sai Sai Kham Hlaing hi singer lawng si loin lemcang thiam ngaingai zong a si i hla phuah le tuanbia phuah zong a thiam ngaingaimi a si. Kum 40 a si hnu tiang hi a lar peng kho rihmi a si i a muisam zong hi a thei lomi nih cun kum 30 hrawng minungah an rel rih ko lai.

Sai Sai hi an biaknak ah caan a pe ngaingaimi a si i cu caah biaknak timi nih cun thinlung tha damnak le thinlung hnangamnak kha a chuahpi. Thinlung a hnangam i ai lawmh ahcun hmai zong a panh i a nomi ah a kan cangter bantuk kha a si. Min thang timi zong hi a peh peh in min thang khawh a si loh i a fawi lomi thil a si. Chawva tampi zong a haumi thil a si i Sai Sai zong hi hla lei ah a rak i mer ka hrawngah hin a rak harsa ngaingai.

Lemcang ai hlawhfami phaisa in a lam a rak i sial cham vemi a si. A tu hi ASEAN nih meetingah kawl ram palai pakhat a herh i cu ah cun ramkhel kong he ai pehtlai lomi a si lai tiah a chim. Cu caah ram chung media a tam u nih cun Sai Sai hi a si lai tiah an zumh i a ruang cu Sai Sai hi a rum zong a rum i hmuhtonmi zong a ngei tiah an chim. Cun a fel fawn i zei paoh tha tho tein a tuah tiah an chim.

Mi tang zongah ai dor i a lung a sau tiah an chim chap. Cun chawlehnak lei zongah a thluak a rang i a mah hrimhrim hi catang sang a si caah thluak rang rang show lio zongah min thang a rak si balmi a si. Nupi ngei a si fawn lo tikah zei hmanh kha buainak a um loh i cu caah a mah hi ASEAN meetingah kawl ram aiawh in palai ah an thim te lai tiah an zumhnak cu a si. Ref: Celebrities News

Be the first to comment

Leave a Reply

Your email address will not be published.


*