Thawngthar

CNA ralbawi pakhat nih Pi Ca Tial akut ah meithal a khensual mi cu Ralkap phung in action lak ding in kan auh cang, kan Pi zong kan nawl lai: CNF Spokesman October 3 zing 8:30 AM tluk, Falam Peng Thipcang khuami Pi Ca Tial cu CNA ralbawi pakhat nih akut ah meithal in a khensual mi kong ah ralkap phung in dantat ding ah kan auh cang i kan Pi Ca Tial zong kan nawl lai, tiah CNF Chimnak Nawlngeitu Salai Htet Ni nih The Hakha Times ah a fianter.

“Sual huahtu cu kan tlaih cang i atu hi dantat ding ah kan auh cang. Ralkap nih zulhphung, dun le dan (Army Law) kan ngeih bantuk in action kan lak (dantat) colh ko lai. Kan Pi zong a si khawh chung in kan nawl lai,” tiah CNF Chimnak Nawlngeitu Salai Htet Ni nih The Hakha Times ah a chim. Pi Ca Tial cu CNA ralbawi pakhat nih thil a suuk lio, akehlei kut ah a khensual i a tithawl zong a kuai dih. Amah hi October 2 tekhan zu a ri i a kuttang minung zong a velh len hna, tiah min langhter lo mi pakhat nih a facebook cahmai ah a tial.

Vuangtu Rallokap Sakhan An Zam Tak, CDF-Zophei le CNA nih Hrawh Dih Thantlang Peng Zophei khuatlang Vuangtu Khua ah Sakhan a ummi Rallokap (12) cu September 30, 2021 ah Helicopter in an rak lak hna. Sakhan kah ding timhtuahnak kan ngeih lio ah an tliktak hi a si. Sakhan um mi rallokap hi mipi lei tang ding in lemsoi an si i an duh lo ca ah kah ding in timhlamh cuahmah lio ah atubantuk in Helicopter nih a rak laak hna hi a si. Sakhan ah an hmanh takmi Bomb kan lak khawh i a kiangkap ah Bomb hmanh mi a um rih kho caah kan kawl cuahmah lio a si. Sakhan inn le lo le hmunhma vialte CDF-Zophei le CNA i bawm in kan hrawh dih cang. CDF-Zophei