Ralhrangbawi Jet Fighter Mongtu Meithal In An Kah Le Ralhrang Pawl An Lungre Thei Taktak, Paku ramthen (ပဲခူးတိုင်:), Shwe Tawng khuapi chungah a umm ralhrangbawi Jet Fighter mongtu Buhmu Aung Ko Zaw cu PDF nih meithal in an kah caah hliamhma faktuk a tuar i Yangon siizung ah Emergency bak in zohkhanh dingah an kuat cawlh tiah PDF lei nih thawngthanh nak an hun tuah.
Paku ramthen, Pyi pengkulh ah tatmah 3602, tatkhuai 3 in PDF ralkap pawl nih tuzing suimilam 8 le cheu hrawng ah khan kawl ralhrangbawi Jet fighter mongtu Buhmu Aung Ko Zaw cu a chuahkehnak Shwe Tawng khuapi lei i a kal lio ah meithal in an kah hi asi. PDF nih an kahnak ruangah ralhrangbawi Aung Ko Zaw cu hliamhma fak ngaiin a tuar caah ralhrang mawtaw tamnawn nih an zulh i Yangon khuapi leiah Emergency taktak in an tlikpi cawlh hi asi tiah an langhter.
Ralhrangbawi Aung Ko Zo hi PDF pawl nih cun Landmine in thah an timh mi asi ko nain a mawtaw chungah a nupi le a fale pawl zong an um ve caah PDF pawl nih cun nu le hngakchia thih ve ding cu an ruah khawh lo caah hmaitonh bakin meithal tuin an kah hi asi tiah an langhter. Ralhrangbawi Aung Ko Zaw hi ahmat 3017 vanlawng tatzin ah lutlai tuanvo ngeitu bik asi i Mingaladung ralhrang sakhan uktu zong asi. Cun Chin State, Sagaing ramthen, Karenni ramthen le Magwe ramthen chungah mipi khuasaknak inn le Lo vialte khaang dihtu hna lutlai bik le nawl petu Mi-35p le Mi-17 tlaitu kha asi.
PDF nih cun Landmine in rak puah hna sehlaw a cilsa hmanh dolh manh lo bakin a thi ding si ko nain a nupi le a fale an um ve ruangah Landmine cu an hmang ngam than lo i meithal tuin an kahnak hi asi. cun,,Magway ramthen, Pauk peng ah April 12 ah SAC ralhrang nih hriamngan an hman caah ralzam minung pakua nunnak a liamtiah theih a si. A thi mi hna hi April 12 zan lei sang ah SAC ralhrang nih an duhnak poh ah 60 MM cu an kah i cu kuan nih cun a khenh hna i hmakhat te ah an thi dihnak a si tiah khuami pakhat nih a chim.
SAC ralhrang hna cu khuachung ah an hu g lut hna i mipi ralzaam pawl an umnak thlam lei hoih in an kah hram mi a si caah a tubantuk in an thihdihnak a si tiah a chim. Cu long si lo in ralhrang hna cu ralzaam pawl umnak ah an kalhnawh hna i an motorcycle, an thliri le facang tun 400 leng cu meiin an khangh dih tiah khua mi nih an chim. Cu SAC hriamngan nih a khenh mi hna hliamtuar mi zong an um. Cu hna lakah cun siiai chanbau ruangah pakhat nunnak a liam. Siiai kan i ken mi le kan ngeihmi nih a kan za lo caah bawmh kan herh hringhran tiah khuami hna nih an chim.
Mandalay thonginn ah a um mi ramdang mi telin thongtla 74 thonginn chuah nak nawl an pek hna. Mandalay thongin ah a um mi ramdang mi telin thongtla minung 74 hna cu tuni 17 ah luatnak nawl an pek hna tiah theih asi. Mah hna lak ah ramdang mi 34 an si , kawlram mi thongtla pa 38 le nu pakhat an zapiin 74 an si tiah theih a a si.
Tuni am Mandalay ramthen thonginnn lawng in thlongtla pa 157 le nu pa 8 an za piin 165 hna cu SAC ralhrang nih luatnak nawl an pek hna tiah theih a si, A tu bantuk in Kawl kum thar titoih puaini ah SAC ralhrang nih luatnak nawl an pek mi hna hi,
SAc ralhrang lutlai hna nih mipi lomhternak daihternak le minung zawnruahnak ti bantuk in thongtla pawl cu Mandalay ramthen thongin sakhan cio in luatnak a pek hna i mipi leamsawinak bantuk in luatnak a pek nak hna hi a si tiah theih a si.
Leave a Reply