Thawngtha _ Lungrual Takin Mipi Hriam Tlai Pawl Ralkap Doh Dingah An i Tim Tuah Cang

Mon ramkulh Thaton peng ah cawlcanghnak a tuahmi mi zapi vengtu phu 5 hna cu hmunkhat riantuan ti ding ah kan i fon tiah nihin December 10 ah cathanh an chuah. Thaton peng chungah cawlcanghnak a tuahmi phu (Thaton), Thaton People’s Guerillas), Thaton People Defense Force (TPDF),

Thaton Defence Organization (TDO) le Mon- Thaton Special Defense Forces (MTHSF) phukomh hna an si.” A bik in dothlennak ding caah thadeuh in timhtuahkhawh nak ding ah phufonh nak tuah mi a si” tiah Mon-Tathung Special Defense Forces (MTHSF) in rianngei pakhat nih a chim.

A tu ah phufonh in a dirmi phu 5 cu ralhrang nawlngeihnak lakmi kong ah an hram cah tiang kan doh hna lai, NUG cozah hruainak, KNU phu hna hruainak in cawlcanghnak cu a thabik in kan tuah lai tiah an cathanh ah cun an langhter.

Sagaing ramthen Monyua khua Tamatan mei tung pawngah nihin December 10, zinglei ah puahkehnak a chuah caah mipi leiin minung 1 a thi i pakhat nih fakngai in hliamhma tuar tiah khuami hna nih an chim. ” Zinglei suimilam 10:00 hrawng ah meitung pawng ah puahkehnak a chuak, a thawng a thang taktak.

Cycle in a kalmi pa pahnih cu ahliamh hna, pakhat cu a hmun ah a thi colh i pakhat cu a hliamhma a fak ngai, mizaw phor motor in an kalpi hna, meithal puah thawng zong kan theih cun khuachung ah pa pakhat zong tlaih a tong” tiah khuami pakhat nih a chim.