Thawngpangttha, Thinlung A Hmui Ko Hih!!

Police Phu Pawl An Mah Le An Mah Meithal In An I kah
================================
Mandalay ramthen, Pathein Kyi pengkulh Shwe Saar Yan number 4 humhimnak tatyin ah nizaan suimilam June thla 12 zaan suimilam 8:00 hrawngah Police pawl an mah le an mah an i si ii meithal in an i kah caah minung pakhat a nunnak a liam tiah theih a si.

An mah le an mah an holh tampi bia an i el hna caah an ii si hna ii meithal in an i kah hna caah pakhat cu a thi colh tiah theih a si. A nunnak a liam mi police pakhat an nu cu fa a fawi lio mi a hring deng cang mi a si tiah theih a si. Police pakhat meithal in an kah lio hin zuu an ri hna tiah theih a si.

CDF pakhat nih “Naihrawng khuate lei kai chawhvahnak ah khuachung i a tlong sawhsawh mi tlaitlong pawl nih khin “Keicu CDF valpa” ti khi tuar nawnte in an hei sak ve ko cuh. Micheu khat cu lolam ah kan ralkap uniform he “duk” tiah kan iton ahcun khoika company (တပ်ခွဲ), Battalion kan ralkap hme an si ka ti i duak tiah ka van bih tawn hna.

“CDF hla sa hlah uh, uniform i hruk hlah uh” ti cu a si lemlo. Atu cu dohthlennak period a si. Miphun kong kan ruah, kan tuar ko ahcun itel bak ding. Kan ralkap hmanh uniform kan cawkpiak khawh hna lo lio ah ralkap uniform he lolam ah kan ton mi nan tamtuk ahcun, ka lungthli in “zeitin hme kan hmai kan i khah” ka ti. Zai a si lemlo. Thuk deuh khuaruah cu kan hau. (Lengkawite)” tiah a facebok cahmai ah a thlah.

Cun hi kong he pehtlai in mi pakhat nih ” CDF an si tiah kan thangthat hna ukpat kan peek hna an mah lar duhnak lamlei ah an hman. CDF nih CDF lo mi pakhat cu zeitindah a thinlung ka laak khawh lai tiah ruah caan a si, I sawi caan a si lo. CDF kan si ah CDF lo kan si ah a chung um mi le a chung um lomi bia ral i doh le i sawi len hi a tha lo, A caan zong a si lo. Kan mah le kan mah karah buainak a chuahter kho ii itheihthiam lo mi a si kho.

A dik mi a si zongah a chung um mi nih a leng um mi sawi len khi a zoh a dawh lo bantukin a leng um mi a si zongah a chungun mi sawilen an hau lo. Kan mah le kan mah i sawi bia raldoh ngol cang hna usih. CDF zong nih CDF kan si ti aipat in CDF lo sawi len a herh lo, CDF lo zong nih CDF pawl sawilen an herh lo. A tu caan hi tanngttirual caan a si cang, I sawi len caan a si lo. Hi te hi kan ngol piak hram cang ulaw tiah nawl kan duh hna.” tiah min langhter lomi pakhat nih a facebook cahmaiah a thlah.

Tuluk Nih MAH le SAC A Bawmh Hna Cu USA He Super Power I Zuam Cawh Nak Ah Abiapi Bikmi Kawlram Asi Caah Asi. Super Power ah number one si awk ah, USA, Russia le Tuluk hi aa zuam cawh mi an si. Suingun Lungvar Chawva, Dollar tampi ngeih, Gasoline timi Zinan tampi aahlei hluat tiang in ngeih, Hriamnam ṭha ṭha ngeih, ram tampi mah lei ah ṭanh ter, Vanchum hmun kaupi ngeih, Rili hmunhma kaupi hip, tbk vialte in I zuam cawh asi. Nihin tiang ahcun American a tei khawh tu an um rih lo.

Cu caah American is special one an ti tawn mi cu asi. President Donald Trump nih a uar tukmi Special One American biafang asi. An ram thum in a aw nakin let 5 aran deuh mi Vanlawng a ngeih mi an si ve ve. IT le Seh thilri phun phun hmang in ṭhanchonak, Economic timi Sipuazi le Business I zuam cawh asi caah, fimthiamnak Abiapi rup in, hmangrua datsi, Diesel, Zinan le gas tampi zong a herh fawn.
Global warming ruangah lung meihol hmang kha Vawlei pi nih an sian ti lo caah gas le Zinan hi to bik mi ansi cang.

Tuluk nih Zinan le Gas cu Russia le African ram hna, Muslism ram (Middle East) in tampi an lak. Rili lam in gas an phawr. Russia ram in a lak mi gas cu direct in Tuluk ah an lut ter. African le Muslim ram in an lak mi Gas cu South China Sea ah akhonh hna. Cu hnu ah Malaka Rili deu in, Tuluk ram ah Gas phawrh man lawng tein UDS billion 3 renglo adih. Tuluk nih gas tambik acawk nak cu African ram in asi. South East China ah a khawnh mi gas cu kawlram aphiat ter khawh ahcun phawrh man USD 3 billions adih ti lai lo. Cucaah Kawlram hip awk ah Tuluk nih a ngeihchiat le fimthiamnak tampi dih in aazuam nak cu asi.

South East China in Rakhine in alak mi Gas pipeline ah rak fawnh ter khi asi ko. Tuluk nih South East China cu Vietnam le ASEAN ram hna in hramhram in achut hna. Aduh ni ak ti uh ati. USA nih atawng ah WWIII achuak lai ati China nih. Aruang cu rili kha hip in USA le Russia tei kha aazuam caah asi. Rili hip khawh awk ah Abiapi bik mi ram cu Kawlram hi asi. Cucaah MAH le SAC hi thihngam in a ṭanh nak hi asi. Kawlram ahip cikcek lawng aa za rih lailo. Kan leiba kan chamh khawh lo ahcun, Kanram le Rili cheukhat zong Tuluk pek a herh te lai.

South East China le ASEAN rili velchum ahip khawh ahcun Tuluk nih American a hrem khawh cang lai. Rili ahip khawh hnu ah Tuluk ram in Vawlei hmun kip le ram kip ah Leilawng lam le Tlanglawng lam pemh dih kha aa zuam. Sipuazi le Super Power ah Tuluk he aa zuam cawh mi ah India aa tel ve. India le Tuluk aa tawn nak bik hmun cu Kawlram asi. Rakhine rili kam in India Rili ah duh chung in tlawnlen khawh asi caah, India le American kha Tei khawh asi. Cucaah Kawlram cu asi khawh ding mi lam vialte hmang in Tuluk nih aduh zungzal.

Kawlram a co tu nih a tei lai tiah India le Tuluk zuamcawh nak ah ti asi. Cucaah India le Tuluk he SAC an kawp nak hi asi.Communist ram asi ko nain, Den Xioapeng nih one country two system in a rak hruai cang hna. 2017 ah ASIA Cakei buan aco khawh cang. Sipuazi ah zumh khawh lo tiang in a ṭhancho mi Tuluk ah Communist hruai tu hna nih an sersiam ve. 2013 ah Tamada Xi Jenpeng a kai. Pulam thluanpi (Vawlei kili a phan khawh dih mi lam) simankin cu athawk colh. BRI (Belt & Road Initiative) tiah min an pek. Taisawm bangin aatawn ṭhan mi Pulam thluanpi asi.

Leilawng le Tlanglawng kalter ding asi. Pulam thluan pi ah Abiapi bik mi cu Kawlram asi caah Tuluk le India nih Kawlram hip kha an I zuam cio hna. Bangladesh – India – Tuluk – Kawlram caah Sipuazi lam tawnnak, BCIMEC timi Sipuazi sincian lampi cu Kawlram hi asi. Kawlram sungh awk cu Fater thih tlukin aruah tu Tuluk asi. Tuluk Yunan Khualipi Kumen in India Culcutta, Kawlram Mandalay, Bangladesh Khualipi Dakka tiang aa peh khawh mi Leilawng lam asi. Cu lam hlawhtlin hram thawk nak caah, Chungchin – Linchian – Kawlram Tlanglawng lam cu Tlanglawng akal cang tiah, Tuluk Ramdang zung nih 24 May 2022 ah an thanh.

BCIMEC Simankin ah a hlawhtlin cang mi Tuluk nih, South East China cu Keimah ta asi tiah a ram innpa he an buailen ko nain, ka ta asi ko tiah hramhram in ati zungzal. Rakhine ram in an lak mi Gas Pipeline cu mipi nih Dohkalh hna hmansehlaw, Nawlngeih tu SAC le MAH he an I remh caah Tuluk ahrik a thak ve ti lo.

Cucun India Rili le India Rili pi in Pacific rili ah zalon tein, donkhantu um lo tein, a lut chuak zungzal khawh cang lai. Cucaah Kawlram hi Tuluk le Vawleipi Super Power ram hna caah Abiapi bik mi asi. Cucun Malaka Ziletcia timi Rili hna pehtawn tertu Kutserh Rili cu zalon tein a lanh cang lai. Cucun South East China Rili in India Rili ah duhchung, donkhantu um loin, Zalon tein a kal khawh zungzal cang lai. Cu dirhhmun phak awk ah hmunhma ṭha bik cu Kawlram asi.

Kyauhphyu Rili kam cu Tuluk caah Abiapi tuk mi asi. Tuluk ram Yunan in India Rili lei ah direct in kal khawh nak lam asi. Ahlan bangin Malaka Rili deu kha a hngat chan a herh ti lai lo. Malaka Rili deu hmang loin, Kawlram in Tuluk ah Zinan le Gas kuat khawh asi cang lai caah, Sipuazi ah Tuluk a miak ahmuh mi hi a tam tuk ngamsam. India le American kut ah Kawlram phak awk kha Tuluk nih aruah khawh hrim lo caah, SAC le MAH abawmh bangin AA le KIA zong abawmh ve hna. Tuluk cu LEI (3) ngeih asi.

Rulpuar hmanh hi LEI (2) lawng an ngeih. Tuluk cu LEI (3) aa ngeih caah Rulpuar le Limkeng nakin a zual hma deuh mi asi. Tuluk Ti Ralkap PLA Navy cu, Zalon tein India Rili ah a lutchuak cang lai. Cu ti si awk ah alaicer hmunhma cu Kawlram asi. Kawlram cu Tuluk nih ahmang khawh ahcun, American le ahawikawm rual a zuam cawh khawh cang mi Ralkapbu pakhat (CNAS timi Center For A New American Security) achuak lai tiah CIA nih an ti cang. Arab ram in Zinan le Gas kuatnak caah Kawlram hmang awk lawng si loin, BRI caah Abiapi bik mi Kawlram asi deuh. Crd-Saya-Saya H.Rung Kaw

Post Views: 59

Thawngpangttha, Thinlung A Hmui Ko Hih!!

Be the first to comment

Leave a Reply Cancel reply