Putin Le Zelensky Israel Ah Tonbiaruahnak An Ngei Lai
Putin le President Zelensky kar ah a si kho mi tonbiaruah nak pakhat cu Israel nih a cohlang nak kong cu Russia kongkau he pehtlai in Israel Ambassador Alexander Ben Zvi nih bihalnak an tuah mi pakhat ah theihter nak a tuah.
” Kan mah lei in cun timh cia a si ko nain an mah lei Putin le Zelensky lei nih zeitin dah an ruah hnga, an mah pahnih biachahnak a herh” tiah a chim. Jerusalem ah a tubantuk in tonbiaruahnak cohlang a si mi hi kan mah lei zongin kan i nuam tuk” ti zong in a chim.
Cu leng ah Russia-Ukraine palai pawl zong Jerusalem ah tonbiaruahnak an ngeih khawh nak kong zong a chim chap. ” Turkey ah an tuah bantuk in kan mah kan ram zongah tuah khawh a si ko” ti zongin a chim chap.
Peace Corps Bu Nih Myanmar an Chuahtak Cang Lai! Pumpek in Myanmar ah Siangcachimtu ramdang mi saya/mah Peace Corps Bu nih Myanmar ram an chuahtak cang lai, tiah theih a si. SAC nih nawlngeihnak a lak hnu in ramchung ah daihnak a um lo. Pumpek in rian a rak ṭuan mi ramdang mi Saya/mah te an tlunkalnak ca zong ah a him lo ruang ah, ṭha tein kan i ruahhnu ah pehzulh ti lo ding in bia kan khiah, tiah Peace Corps in ṭuanvo ngeitu Carol Spahn nih a chim.
Peace Corps Bu cu 2016 khan Myanmar ah zung on in cachimtu 84 he 2020, March thla tiang English Subject chim in ramchung khuate cheukhat ah pumpek in rianṭuan mi bu an si. Peace Corps bu cu Myanmar ram a hlankhel bantuk in a daih hnu lawng ah rian kan rak tuan ṭhan te lai, tiah an cathanh chung ah cun an langhter. Peace Corps bu cu Myanmar ram ṭhanchonak ding ah a biapi mi fimcawnnak, Ngandamnak, Cinthlaknak, Chawleh ṭhanchonak le Mino hna an ṭhanchoh khawhnak ding caah biatak tein pumpek rian a ṭuantu an si.
Leave a Reply