KIO Hmunhma Ah Tanghra Cammipuai Phitnak An Thawh Cang
KIO hmunhma a si mi Laiza le Man Jayan khua pi peng ah a um mi Hight School sianginn ah, Tuni April ni 21 thawkin Tanghra cawnmipui phitnak an thawk cang tiah theih a si. Mah tanghra cammipuai phitnak hi April ni 21 in ni 28 tuah a si lai tiah theih a si i, Cammipuai a phi tu hi minung 2192 an si tiah theih a si.
Shan National Army( SNA )le Honemalin PDF(HPDF ) An I Kap, SNA 9 An Thi, HPDF 2 An Nunnak Liam. A luancia April 12 ah Sagaing ramtthen Honemalin(ဟုမ္မလင်း) peng Pinkhot(ပင်ခုတ်) khua kalnak lam ah Shan National Army- SNA le Hungmalin (ဟုမ္မလင်း)-HPDF an rak i kap tiah theih asi. Namphtaw(နမ့်တော) khua lei ah SAC ralkap nih rallam an sial caah HPDF nih bomb puahhnawh dingah an kal, SNA nih HPDF he hmunkhat ah SAC ralkap cu bawh ding in an kal ve ,Nai tlawmpal kan um ah SNA nih an kan kah tiah HPDF in tuanvo ngeitu pakhat nih a chim.
“SNA sniper nih HPDF ralkap Peter cu a lu ah meithal in a kah caah Peter cu hmakhat te ah a nunnak a liamcolh. Cu hnu ah kaphnihkar kahdohnak a chuak, kanmah lei in minung 2 an nunnak a liam, tat-yin-hmu zong a ke ah hliam a tuar. SNA lei in 9 an thi tiah kan theih ” tiah a chim. SNA nih an hmunhma chungah mipi sin in phaisa hal le SAC ralkap hna he i fonh in rian an tuan tiah kan ruah tiin Honemalin(ဟုမ္မလင်း) khuami pakhat nih a chim.
” An thil tuahmi hi mipi hna he kan i kalh tiah kan hmuhning a si,khuachung ah rianngeitu hna sin in phaisa an lak, SNA le SAC cu lamkhat ah kalti bantuk an si, kanmah nih cun SNA cu tlangcung mi hna caah a dir awk a si tiin kan i ruahchan i kan bochan hna na in, a tu thil sining ah cun mipi lei ah an dirlo” tiah a chim.
Leave a Reply