Thawngpang Ttha, Ukraine Cu A Hoikom Tha Pawl Nih Biakamnak An Pek 

Ukraine Cu A Hoikom Tha Pawl Nih Biakam Nak An Pek

Russia nih kahdohnak i khamh khawh nak hnga ding caah Ukraine cu a hoikom hna nih hriamnam pawl bomhnak pek dingin biakam nak an pek tiah theih a si. Tuesday ah Voideo in minutes 90 chung ceihhmai biaruahnak chungah American tel in Ukraine i a hoikom ttha rual pawl hna nih hriamnam ngan pawl, Armor kahnak hawhkhawh nak hriamnam pawl le,

Cung lei in i ven khawhnak hriamnam pawl bomh tthan dingin biakam an pek tiah theih a si.  Russia nih Ukraine nichuah lei kahdohnak thar timhlamh nak a ngeih lio ah kan mah lei zong in hriamnam ttha pawl tampi kan herh ko tiah Kive khuapi cozah nih a chim tiah theih a si.

Mizapi i lungrual ding in Daw Aung San Suu Kyi nih a chim Mizapi pakhat le pakhat kar i lungrual nak um ding le i ceihhmai ding in Daw Aung San Suu Kyi nih April 18 ah forhfial nak a chim tiin biaceihnak zung he aa neihniam mi nih RFA ah a chim. ” Mizapi lawng lungrual ten um i khat le khat i ceihhmai in a phi chuak kawl ding ah ka chim.Mah bia hi NUG ka chim duh nak a si lo.

Ceihhmai in a phi chuak kawl ti ding ka ti mi zong hi SAC ralkap he tuah ti ding ka ti duhnak a si lo.Mizapi lawng hmuitinh in aa khat lo mi ruahnak le hmuh ning pawl i ceihhmai ding in ka chim ” tiah biaceih zung he aa neihniam mi pakhat nih a chim. Myanmar kumthar ah Daw Aung San Suu Kyi nih tubantuk in bia a cah hi a si.

Kum 76 simi Daw Aung San Suu Kyi cu 2021 February 1 , SAC nih uknak a lak ni zinglei ah SAC ralkap nih an tlaih i zulhphung phun 18 in sual phawt nak an ser piak. Tutiang ah mah cu chung in phun nga caah thong kum 6 thlak ding in bia an ceih piak i a tang mi sualphawt nak cu Naypyitaw i biaceihnak zung sangbik ah biaceihnak an tuah piak cuah mah lio a si. ”Daw Aung San Suu Kyi cu a ngandam nak a tha ko,um kal kho le bia chim holh rel kho a si ko” tiah biaceih zung he aa neihniam mi nih a chim.

Daw Aung San Suu Kyi  cu ဦးဖြိုးမင်းသိန်း nih Sui le Dollars a pek timi sualphawt nak he pehtlai in nizaan zung ah kaphnih in an chim.Mah sualphawtnak hi April 26 ah bia ceih nak dih ter ding a si tiah RFA in kan theih.

Oo Bo အိုးဘို‌ thonginn in ramkhel lei thongtla harsat ton nak kong Mandalay, Oo Bo အိုးဘို thonginn chung um ramkhel lei thongtla hna sin ah chungkhar nih cakuat nak ding  a har pin ah a dang thong chung harsatnak tampi an ton kong bawmchan tu hna sinin theih a si. Tuan ah cun chungkhar nih thonginn chung ah cakuat nak kong a tlamtling nain March 2 thawk in cun a har cang tiah April 19 ah thonginn cakuat nak lei bawmchan tu pakhat nih Mizzima ah a chim.

 

“Thonginn cakuat tik ah a leng lei chungkhar nih tial mi ca hna cu a chung palik sin a phanh lo voi tam nawn ton a si.Thonginn chung ton khawh an ngah lo caan ah i pehtlaihnak cu phung ning  ca kuat lawng in i pehtlaih a si ” tiah a chim. COVID-19 zawtnak a ruang bunh in thonginn chung ton khawh nak an phih caah thonginn chung cakuat lawng a ngah kong,  cakuat mi an sin a phanh lo nak kong, a tlai hnu lawng i a phanh ruangah ramkhel lei thongtla i ngandamnak dirhmun le  cah an duh mi thilri tampi a lenglei nih an theih lo caah  harsatnak an tong nak kong a chim.

“Ramkhel lei thongtla hna cu a dang rit hai sii , fir le lai nawn nak in a tla mi thongtla hna he hmunkhat ah an chiah ti hna  caah tlamtling lo nak pawl tuhrawng ah theih a si” tiah Myanmar rampi siangngakchia bu thawngzamh nak i nawl nei tu nih a chim.   SAC uknak a dohkalh tu pawl cu biahalnak  sakhaan le thonginn chung ah thinlung lei le taksa lei faknak pek in an tuah hna tiah an chuah than mi sin in theih asi.

Ramkhel lei thongtla bawmchantu  bu (AAPP) cazin ning cun 2021 February 1 in 2022 April 18 tiang ah tlaihkhih tong mi zate 10,249 an si i mah chung ah minung 995 thong thlak an tong.Mah an thlak mi hna cu kum 18 tang hngakchia pahnih telh in minung 59 thih dan an pek hna tiah theih a si tiin Mizzima in kan theih.