Thawngpang Ttha Tuk Kan Thant Hna By Zaw Min Htun

Thawngpang Ttha Tuk Kan Thant Hna By Zaw Min Htun

A liamcia mi  ah khan SAC ralhrang lutlai nih ramdaih sawmnak a auh mi ah kahdoh daihnak dingah tlangcung hriamtlaih phu 10 chungah phu 9 an kai lai tiah SAC ralhrang in chimnawl ngeitu Zaw Min Htun nih a chim. Tuni April ni 27 zaan lei sang Nay Pyi Daw ah tuah mi SAC ralhrang thawngzamh thianhhlimhnak puai ah ram daihnak kong he pehtlai in Zaw Min Htun nih a a chim mi hi a si.

” NCA ah min a thu mi tlangcung hriamtlai phu 10 chungah phu 9 he pehtlainak kan ngei cang. Mah phu 9 hna cu SAC ralhrang lutlai nih ram daih sawmnak a tuah mi ah an kai kho timi hi thawngpang ttha taktak kan thanh hna.” tiah Zaw Min Htun nih a chim. SAC ralhrang Min Aung Hlaing nih kahdoh daihnak sawm nak a tuah mi a kai hnga ding phu 9 ti mi ah an min cu chim chih a si lo.

Kahdoh daihnak minthu tlangcung hriamtlai phu khat a si mi KNU nih cun ramdaih ceihhmainak ah SAC ralhrang lei in ramkhel in chuah tak dingin thanh nak a tuah lai tiah a chim. Cun bantuk thiam thiam in NCA ah kahdoh daihnak min a thu rih lo mi phu 11 chungah phu 8 he pahtlaih nak kan ngei i, mah sawmnak ah cun an rak kai kho tiah Zaw Min Htun nih a chim chap.

Thawngdang, Ral An Zamnak Ah Hlei Nih A Cahpi Hna I Minung 6 An Nunnak Liam. Kalay pengkulh, Donwe khua lei ah SAC ralkap nih thazang tampi in rallam an sial caah tualchung mi hna cu Myitthar tiva ral ah an zam i Myitthar tiva hlei nih a chimhpi hna caah minung 6 an nunnak liam.
May be an image of 2 people and body of water
Nihin, April 27 zing slm 8:00 hrawng ah Donwe khua ah SAC ralkap thazang 80 hrawng cu rallam sial in an rak phanh caah tualchung mi hna cu tiva ral ah ral an zaam i mimung 10 hrawng nih hlei an zawh lio ah hlei nih a cahpi hna hi asi.
Ti chung ah hlei nih a cimhpi hna cu tualchung hriamtlai ralkap le mipi nih an kawl cuahmah lio hna asi minung 6 ruak an hmuh cang.
May be an image of 2 people and body of water

Monywa, Gangaw Kahdohnak Ah SAC Ralkap 6 An Thi., Sagaing ramtthen, Monywa khuapi tar cawnghnak pawng ah ummi SAC ralkap chek gate pakhat cu nihin April 27 zinglei Sml 10:00 hrawng ah Monyua khuapi um mizapi vengtu ralkap hna i bawm in an kah hna i SAC ralkap 3 le palik 1 an thi, hliam a tuar mi zong an um tiah Chindwin Attack Force nih cathanh an chuah.

Monywa PDF Battalion – 2-3-4 Chindwin Attack Force (Comando) ralkap phu Monywa The Boys, ၊ Monyua pengkomh Battalion -2 tatkhuai 3 Northwest Plains Revolutionary Forces-NPRF၊ Monywa People Defence Force – MPDF le Special Force 11 hna i bawm in an kah hna i mizapi vengtu ralkap lei in a hliammi um lo tein hnu an tolh kho tiah theih a si.

Magwe ramthen, Gangaw khuapi , Sipin veng, Payar tungso tlang in tumnak pawngah security a hngakmi SAC ralkap hna cu nizan April 26 zan Sml 9:00 hrawngah YawPDF ( YDF ) Battalion 5, tatkhuai 4 ralkap nih an kah hna i minute 8 hrawng kaphnih kahdohnak a chuak SAC ralkap 2 an thi 1 hliam a tuar an tam tiah theih a si. Mizapi vengtu ralkap lei in hliam a tuarmi um lo tein hnu kann tolh kho tiah YDF nih cathanh an chuah.

Be the first to comment

Leave a Reply

Your email address will not be published.


*