NUG Le SAC Ralhrang Zuamcawk Nak Ah SAC Ralhrang An Sung Cang Lai!!
International mah Mission ah NUG le SAC ralhrang zuamcawhnak ah SAC ralhrang lei an sung cang lai tiah ramkhel hlethlaitu U Than Soe Naing nih CNI thawngzamhah a chim. “International mah Mission zuamcawhnak ah NUG Le SAC ralhrang ah , a tu Malaysia nih a ruah ning a biachah cu SAC ralhrang caah a faktukmi sunghnak pakhat a si tiah ka hmuh, i SAC ralhrang lei NUG mah zuamcawknak ah SAC ralhrang an sung cang lai .” tiin a chim.
Pyidaungsuu Hluttaw aiawhru CRPh, NUG , PDF le an mah kuttang phu pawl cu SAC ralhrang tiin kum 2021 Maythla ni 8 ah thanhnak an tuah nak kong, Malaysia ramkhel vuanci nih NUG he neihniam in tonbiaruahnak an ngeih nak cu SAC ralhrang leiin Ramkhel vuanci nih May thla ni 2 ah duhlonak cathanh a chuah.
Relchap, Ye MyiatNi Palik Sakhan YDF – Htilin Nih An Kah, SAC Ralkap 2 An Thi, 2 Hliam An Tuar, Magwe ramtthen, Htilin peng, Ye Myat Ni (ေရမျက်နီ)palik sakhan cu nizaan May 2 zinglei Sml 5 hrawngah kan kah tiah YDF – Htilin (YDF – ထီးလင်း)nih cathanh an chuah. Minute 30 hrawng kahdohnak a rau i SAC ralkap lei in 1 a thi i 3 hliam an tuar , nihin ah hliam a tuarmi pakhat a thi chap tiah YDF – Htilin sin in theih a si.
April Thla Chung Lawng Ah Myanmar Hlawhfa 1700 Leng Le Agent(Puaisa) 14 Thailand Palek Nih An Tlaih Hna, April thla chung lawng ah Thailand ram ah phungning lo in a lut mi Myanmar hlawhfa 1700 leng le puaisa14 tlaih an si tiah Thailand ramri hngak palik nih an thanh tiah the Joint Action Committee for Burmese Citizens chairman U Moe Kyo nih a chim. Myanmar ram ramkhel a tha lo i chawlehthalnak a tlak tuk ruang ah Thailand ram ah nitin ngawt in phungning loin a ramri in an lut hna i puaisa(broker/agent) hna peitlaih in an kal hna tiah U Moe Ku nih cun a chim.
A tubantuk in phung nih a onh lo mi lam in an luh khawh nak hnga caah phuaisa(ပွဲစား) hna cu Thailand tangka baht 18000 in 30000 tiang an pek hna tiah a chim. Karen ramkulh, Mon ramkulh le Rakhine ramkulh, ramkulh 3 le Pago ramtthen, Taningtharry ramtthen, Magway ramtthen, Mandalay ramtthen, Ayeyawady ramtthen, Nyipyidaw ramtthen,tiin ramthen 5 in a kal mi an si hna tiah theih a s. Thailand ram ah phungning lo in a lut mi Myanmar hlawhfa hna hi 2022 January thla chung ah minung 4000 leng an lut i February thla chung ah minung 5000 leng an lut, March thla ah cun 1600 leng an lut i April thla chung ah hin minung 1700 leng an lut tiah theih a si.
Leave a Reply