Yisagyo Ah SAC Ralhrang Ralkap Motor Pakhat Bomb Puah Hnawh, Ralhrang (3) An Thi Colh!

Maggui ramthen Yisagyo peng chungah SAC ralhrang ralkap motor cu bomb an puah hnawh caah ralhrang (3) an thi colh tiah theih a si. March 29 zinglei sml 11:00 hrawngah Maggui ramthen Yisagyo peng Sin Chaung khua le Yi Kung khua karlak ah SAC ralhrang ralkap motor (2) hna cu bomb pahnih hmangin kan puah hnawh tiah Yisagyo PDF nih cathanh an chuah.

SAC ralhrang ralkap motor pahnih chungin pakhat cu a khenh caah a rawk dih i, ralhrang (3) an thih colh pinah a dang tampi nih fak ngaiin hliam an tuar tiah an langhter.

Bomb nih a khenh lomi SAC ralhrang ralkap motor nih hriamngan hmangin PDF hna cu an kahdoh nain Yisagyo PDF leikap ah hliam tuarmi zong an um lo tiah cathanh an chuahmi ningin theih a si.

Hriamnam Thilri Tampi Bawmh A Herhmi Vakok-CNDF!

Vakok-CDNF phu nih ramtang ah rawl vawikhat ei nak ding caah hmanthlak chung kan hmuh ningin an chumh/chuan. Nunnak thap in ral a doh/tukmi kan si bangin hi bantuk harsatnak cu a te tawi tukmi a si.

Kan ral a simi ralhramg ralkap hna cu kahdoh dingah a herhmi thilri/hriamnam a um lo ahcun zeiti hmanhin raldoh khawh a si lo caah hriamnam thilri bawmhchanhnak kan pe cio hram u, tiah upatnak he zangfah kan in nawl hna.

Crd: Zalen

Ram Hnih Kahdaihnak Chimrel Dingin Ukraine Le Russia Palai Hna Cu Turkey Ah An Phan!

Ukraine le Russia ram hnih aiawhtu palai hna cu zarh hnih lengkai hnuah kahdaihnak chimrelti dingin Turkey khualipi Istanbul ah an phan cang caah tonbiaruahnak an thok. March 29 zinglei caan ah an tuahmi tonbiaruahnak ah kahdaihnak kong hi biatak tein i ruah ding a si lai tiah Ukraine nih an chim. Asinain kaphnih hnatlaknak ngeih ding le tuah kho ding ahcun ruahchannak a tlawm ngai.

Turkey President nih cun tutan biaruahnak nih hin a fekmi biachahnak a chuah awk a si cang tiah a forh hna. Russia ram nih a zuar tawnmi yinan (oil) phihkhamnak telh in a fah khawh chungin dantatnak pe dingin vawlei cung ram ngan vialte cu Ukraine President nih a nawl hna.

Russia President Putin hi nawlngeihnak a ngeih awk a si ti lo tiah American President Joe Biden nih a chim nain amah pumpak ruahnak lawngin a chimmi a si i, American ramchung nawlngeitu hna i ruahnak a si lo tiah American nawlngeitu nih an chim.

Crd: Voice of Myanmar

Russia Le Ukraine Tonnak An Ngeih Than Lai

Russia le Ukraine ton biaruah ceihhmainak cu Turkey ram ah tonnak an ngei tthan lai tiah theih  a si. Russia le Ukraine tonbiaruah ceihhmianak cu Turkey ram Istanbul khuapi ah tuah dingin President Putin le Turkey president Recep Tayyip Erdoğan hna cu March thla ni 27 ah lungtlinnak an ngei cang tiah Turkey president zung nih thawng a thanh.

Ukraine cozah lei in tonbiaruahnak Palai pakhat a si mi Davyd Arakhamia zong nih Russia-Ukraine tonbiaruah tuah than ding ceihhmainak cu a ra lai mi thla chungah Turkey ram ah tuah a si lai tiin ni zaan, zing lei ah a chim

Russia Le Ukraine Tonnak An Ngeih Than Lai

Russia le Ukraine ton biaruah ceihhmainak cu Turkey ram ah tonnak an ngei tthan lai tiah theih  a si. Russia le Ukraine tonbiaruah ceihhmianak cu Turkey ram Istanbul khuapi ah tuah dingin President Putin le Turkey president Recep Tayyip Erdoğan hna cu March thla ni 27 ah lungtlinnak an ngei cang tiah Turkey president zung nih thawng a thanh.

Ukraine cozah lei in tonbiaruahnak Palai pakhat a si mi Davyd Arakhamia zong nih Russia-Ukraine tonbiaruah tuah than ding ceihhmainak cu a ra lai mi thla chungah Turkey ram ah tuah a si lai tiin ni zaan, zing lei ah a chim