Kalaymyo chaklei Kahdohnak Thawngpang

Oct 4 Ah PDF-Kalay Nih Ralhrang 9 An Thah Hna Oct 4, nizan ah PDF-Kalay nih ralhrang 9 kan thah hna tiah Oct 5, tuzing ah cathanh an chuah. Nizan zanlei 5:00pm hrawngah khan Kalaymyo in chaklei ah ralhrang mawtaw 10 hna cu an kal i Pamunchaung hlei pawngah chikhat an dir.

Ralhrang zeimawzat an tum i lamkam ah bomb hmanhmi a um hnga tiah an kawl. Cu lioah cun timhcia tein a rak ummi PDF-Kalay hna nih an hmanmi bomb cu an puah i ralhrang 9 an nunnak a hliamtuarmi zong an tam ngai. Bomb an puah lecangka in PDF-Kalay hna cu an i zukphiak colh tiah theih a si.

Tigyaing ah PDF nih zaan 8:00 hnu umkal an kham mi an ngaihlo ruang ah datsi phur motor pakhat a ciam Sagaing Ramthen, Katha Pengkomh, Tigyaing (Hteechaing) palek sakhaan cu October 4 zaan ah PDF nih an khangh i datsi phur motor (Fuel Tanker) pakhat zong a ciam.

Hika hmun hrawng ah PDF nih zaan siumilaam 8:00 hnu umkal le luhchuah asiloah khualtlawn lo ding tiah September 24 ah an rak thanh cang nain an ngaihlo ruuang ah October 4 zaan ah bomb an puahhnawh i aa kaang, tiah Khit Thit nih a tial.

Free Burma -Ranger-Karenni phu nih ralzaam mizapi hna sinah eidin le thil dangdang an hlut, Free Burma Ranger -Karenni phu nih Karenni ramchung a himnak hmun ah a dor mi mizapi hna sinah va kal in ei-din tirawl hmanherh mi thil an va hlut i ralzaam hna cu thazaang pek hna le hnemh nak hna an tuahnak cu an cahmai ah an langhter.

Ralzaam riahbuk kip ti tluk in an dam lo i sii tling te cun an kua kho hna lo nain kan si khawh tawk tein kan zuam piak ko hna tiah an tial. “Harsatnak in an khah lio caanah kanmah hmanh nuam tein um a har tuk ko nain ralzaam hna hmai ah cun nuam tein hmaipanh tein um kan i zuam. Mipi hna him tein le dam tein rak um uh nanmah le nanmah harnak ah i bawm ulaw harnak vialte tei ko uh ” tiah an langhter.

Be the first to comment

Leave a Reply

Your email address will not be published.


*