Thawngpang thar: KNU brigade 5 hmunhma chung ah BGF ralkap 600 hrawng an phan tiah KNLA Tongmangham Saw Kalaydo nih a chim

KNU brigade 5 hmunhma chung ah BGF ralkap 600 hrawng an phan tiah KNLA Tongmangham Saw Kalaydo nih a chim

Kayin phu in brigade 5 hmunhma Phapun ramthen chung ah Kayin ramri hngak ralkap BGF tatmah 3 an um i BGF ralkap 600 hrawng cawlcang in an um tiah KNLA brigade 5 in biachim nak nawl ngei tu tongmangham Saw Kalaydo nih Salween Press ah a chim.

Hramhram uk nak la tu rallokap kut tang ah Kayin ramri hngak ralkap BGF pawl an phanh caah hmaitonh in kah doh nak a um hrim lai tiah tongmangham Saw Kalaydo nih a chim.

Riah caw, hriam nam phun tling in a ngei mi Kayin ramri hngak ralkap BGF phu chung tel zakhat hrawng cu Myine Gyingu(ၿမိဳင္ႀကီးငူ) khua in Tanlwin tiva tan in KNU brigade 5 nih zoh khenh mi Phapun ramthen chung ah May ni 9 ni zaan ah an van lut chap tiah theih a si.

“BGF ralkap cu hram hram nawl ngaih nak la tu ralhrang rallokap kuttang a si caah KNU nih a ngeih thiam ah cun nawlngaih nak la tu rallokap caah thathnem nak si lai, cu dir hmun cu BGF lei in theihthiam nak a herh nak
kong ” cu KNLA brigade 5 in bia chim nak nawl ngei tu tongmangham Saw Kalaydo nih a chim.

The Chin Post