The Hakha Times, June 18 June 18, Hakha sakhaan ah hren mi minung 90 tluk ca ah Hakha Station Believers Church Nu Bu hruainak in zaanriah an chanh hna, tiah kan theih.
“Zaanriah chantu hi an tam ngaingai i nihin June 18 zaan hi kannih Khrihfabu kan ting kho ve. COVID-19 boruak lio a si nain tuanvo ngeitu hna nih sakhaan chung ah minung 5 hrawng an kan luhter i Pathian bia in thazaang peknak siseh, thlacamnak kan ngeihpiak khawh hna. Zaanriah tu hi anmah Palek pawl sakhaan a congtu hna ca he minung 90 hrawng ca ah Nu Bu nih an timhtuah i kan chanh khawh hna,” tiah Hakha Station Believers Church in Church Pastor pakhat nih The Hakha Times ah a chim.
Midang harnak bawm khotu ah Pathian nih a kan hman i Nu Bu hna hmang in zaanriah kan chanh khawh hna ca ah Pathian sin ah siseh, Nu Bu hna cung ah siseh, kan i lawm tuk, tiah Church Pastor pakhat nih facebook cahmai ah a langhter ve.
Hakha Palek sakhaan ah hin hren rih mi minung 80 renglo an um rih i Rungtlang 266 ah hren rih mi zong an um ca ah minung 100 renglo nihin tiang hren rih an si. Khrihfabu cio nih siseh, zatlaang bu hna le Sangkip tuanvo ngeitu hna nih zaanlei fatin sakhaan ah hren mi hna zaanriah an chanh peng hna, tiah kan theih.
The Hakha Time
Leave a Reply