Thawngpang thar bik: Lionel Messi cu PSG lei ah kal dawh asi, kum 2023 tiang contract atial lai

Tuzarh ah khan Lionel Messi cu FC Barcelona caah achuih ti lai lo tiah thawng thanh nak tuah asi. Messi kong thawngthanh nak an van tuah bak hin vawlei cung ahninh colh.

Messi luhnak ding club hi chim a tam ngai, French club Paris Saint-Germain lawng siloin Messi zohkhenh cangtu Pep Guardiola umnak Manchester City he zong chim asi.

Guardiola nih hin Messi a ngeihven tilo nak kong fiang ngaiin a vun chim. PSG lawng hi Messi ngiar tu an si ti a fiang ngai, mah ruangha PSG lei ah luh dawh asi tiah langhter asi.

PSG le Messi nih hin hnatlaknak an tuah cang tiah chim asi. PSG nih hin kum 2023 tiang contract tialpi an timh, kum 2024 tiang contract peh khawh nak zong a ngei tiah thawnglatu hna nih cun an chim.

PSG hruaitu lei nih hin Neymar an lak lio i an tuah ning bantuk tein Eiffel Tower an book cia cang. Tu thla ni 10 ah hin Messi cu ropui ngaiin don an timh tiah langhter asi.

Be the first to comment

Leave a Reply

Your email address will not be published.


*