Good News bak si tuni lawng ah Kani nih ralkap ceilak an thah hna

Kani mipi hmunhim tu nih ralhrang minung 12 leng an thah cang hna
=================

Kani ah ralhrang ruang ah bom an remh hnawh hna ii minung 6 an thi, hliam a tuar mi hna cu Siizung ah an kal pi hna lio ah bom anremh hnawh than hna ii minug pakhat an thi.

Sagaing, Kani khuapi ah nihin nazi 12 hrawng ah ralhrang kal nak lam cu ralhrang adoh mi mipi ralkap Anti Dictatorship Revolution People Army nih bom an remhhnawh hna ii ralbawi tel in minung 6 an thi tiah kan theih.

A Laycun Khua pawng ralhrang kal nak lam cu bom an remh mi in an puak hnawh hna ii a thi mi an tam pinah hliam a tuar mi zawng an tam tiah Ralhrang a doh mi mipi ralkap Anti Dictatorship Revolution People Army i rian ngei tu pakhat nih The 74 media sin ah a chim.

Ralhrang ralkap bu lei in minung pahnih, Beusawthi leiin minung pahnih mah kahdohnak ah cun an thi cawlh. Minung panga hrawng hliam an tuar. ralhrang lei lawng si lo in Beusawthi zong an i tel ve’ tiah an chimh.

Bom in an puak hnawh hnu hna ah hliam a tuar mi ralhrang ralkap panga cu SiiZung lei ah an kal pi hna lio ah bomb in an puak hnawh than hna ii ralbawi tel in ralkap pakhat a thi than tiah a chimh chip.

Hliam a tuar mi mi zaw hna cu an mah ralhrang hna nih Kani khuapi Sizung lei ah an va chiah hna. Mah an va chiah hna lio ah cun an kah than hna i an kah hna lio ah DRPA nih an tuah mi hriam nam ngan in an kah than hna ii minung pali hliam an tuar.

Ralhrang pawl cu bomb an puak hnawh hna khawh in kaphnih Kahdohnak an chuah ko nain Anti Dictatorship Revolution People Army lei in hliam a tuar mi um lo in hrim tein an kir than kho.

Kani khuachung ah king a hleh mi ralhrang hna cu January 8 ah ralhrang a doh tu DRPA nih an kah nak hna ah ralhrang lei in minung pahnih an thi ii minung panga hliam an tuar tiah kan theih .