Thawngpang Tha Tuk A Si Ko Hi Min Aung Hliang I A Ralbawi Pa Cu A Mah Tein A That

A Sho CDF le PRA- Magwe i bawm in ralhrang an kah hna i ralhrang le minung minung 20 an thi , ralhrang lutlai amah tein a that

==========

Magwe rramthen chung ah April 8 in April 14 kar zarhkhat chungah kahdohnak voithum a chuak i ralhrang lei lutlai pakhat tel in minung 20 leng Asho Chin Defense Force le PRA- Magwe nih an thah hna tiah theih a si . Hi kahdohnak hi Magwe ramthen , Ngaphe peng le Saduktaya Thlanglei ah PRA- Magwele Asho CDF i bawm in an kah hna hi a si.

Hi kahdohnak ah ralhrang lei mi ung 20 leng an thi i minung 30 leng zong fakpi in hliam an tuar lawng si lo in meithal le hriamnam zeimaw zat zong kan laak khawh tiah PRA-Magwe nih cathanh an cuah. Cathanh an chuahmi chung ah, “A chunglei thawngpang kan theih ning ahcun ralhraang lutlai pahnih zong faak ngai in hliam an tuar. Kanmah lei zong minung 3 hliam an tuar ve.

I kahdohnak chung ahhin ralhraang lei nih hriamnam ngan an hman lawng si lo in vanlawng an hman. Kan umnak sakhan laak ding an i tim ko nain ram kan theih deuh ca ah an laak khawh lo hi a si,” tiah an tialchap.

Ngeihchiahnak Thawng Relchap; Tedim peng  Hriangzing khua le Taingen kar motor lampi meng tung 29 falung 3 le 4 karlaak ah Motorcycle pakhat le aho a si ti hngalh lomi mithi ruak pakhat cu hmuh a si . Aruak hi zoh tik ah zarhkhat hnih cu a rau cang lai .

Kan,ah kan zumh ning ahcun motorcycle in a tla mi a si lai ti kan zumh tiah ruak a hmutu hna nih an chim. Aruak hi a rawk dih cang caah a ho a si ti hngalh khawh a si lo i Taingen le Hriangziing khuami hna sin ah pehtlaih khawh a si .

Matupi in Paletwa Peng chung ah SAC ralhrang thazaang chap ding in a kal mi hna cu CDF Matupi nih lampi thluanchuak April 10 in April 16 tiang an kah hna i lampi um khua mi hna atu bantuk in an zaamnak a si tiah CDF Matupi hruaitu pakhat nih a chim.

“Paletwa lei ah an thazaang chap ding in a kal mi ralhraang hna cu lampi ah kan kah hna. Hriamnam kan i dan tuk ca ah hnulei kan kir. Hnu kan kir hnu ahhin khuachung ah lut in khuami harnak an pek hna. An thihphaih hna. Innzuat satil an laak dih. Rawl chuannak umkheng tiang an laak dih,” tiah a cunglei hruaitu nih THP ah a chim.

Matupi le Paletwa kar kahdohnak ah SAC ralhraang minung 10 an thi i minung 5 fak ngai in hliam an tuar. Hmaitonh in ni thum chung kaphnih kar ah kahdohnak a chuak tiah CDF Matupi nih 2022 April 16 ah cathanh a chuah.

Kahdohnak ruang ah a zaam mi hi a khua in khua 6 an si i, hi khua 6 chung ah Walanpi ti mi khuami hna nih Fur chung ei ding an chiah mi an rawlruuk cu Council ralhrang nih an khanghpiak dih hna tiah theih a si.Pehtlaihnak Phone line pawl an phih dih ca ah ralzaam dirhmun in a dir mi zat le zei bantuk harnak dah an ton ti hi fiang in kan thei kho thlu rih lo tiah a cunglei minung nih a chimchap.

NUG kong Relchap; Cozah an tuannak kum khat chung ah minung hawi zawnruah bawmhnak tangka Kyats 2.73 Billion hman a si tiah NUG Cozah, Minung Hawi Zawnruahnak le Kokek Raal lei Tawlrelnak Minister zung nih cathanh a chuah.

Hi bawmhnak an pek mi chung ah umhmun chuah taak in raal ruang ah a zaam mi hna ca ah Kyats 1334.20 Million, mizapi eidin lei timhlamhnak ca ah Kyats 803.90 millions, CDM a tuah mi Cozah riantuan hna ca ah Kyats 228.99 Millions, Kahdohnak ruang ah a nunnak a liam mi hna le chungkhar hna ca ah Kyats 113.72 Millions, khawnden fawi mizapi hna ca ah Kyats 82.39 Millions, Ramkhel ruang ah thong a tla mi hna ca ah 44.25 Millions, Kokek harnak ruang ah hliam a tuar mi le har a tong mi hna ca ah Kyats 10. 62 millions le minung hawi zawnruah bawmhnak ca ah 113.49 million cu bawmh an si tiah an chim.