Yephyo Khuapi Ah Hight School Sianginn Pawngah Cammipuai Phit Lai Ah Bomh Puahnak A Chuak
Tanintharyi ramthen, Tharwe (Dawei) pengchung, Yephyo khuapi , Yephyo Hight School sianginn pawngah tuzing ah bomb puahnak a chuah tiah Pephyo khuami pakhat sinin thawng kan theih. ” Tuzing suimilam 8:40 ah bomb puahnak a chuah hi a si. Mah caan hi sianghngakchia pawl nih cammipuai phit nak chungah luh dingin timhtuah nak an ngeih lio a si.
Hliam tuarnak kong eh pehtlai in a tu tiangah cun theih mi le hngalh mi zei hmanh a um rih lo” tiah Yephyo khuami in minung pakhat nih a chim. Yephyo khuain sianghngakchia chungtel minung pakhat nih ” Bomb puah thawng cu khuami zapi nih theih dih a si. Cacawnnak pawng ah puah nak achuah hi a si. Ho hmanh vakal in zoh a ngah lo” tiin a chim. Hi bomb puahnak hi tlerhkhawnnak a si ti zongin khua mi pakhat nih a chim.
Cu hleiah mah kongkau he pehtlai in Dawei Security phu i tuanvo ngeitu mi pakhat nih ” Sianginn chungah puahnak a chuak lo. Sianginn pawngah kutput bomb in an puah hnuah an zaam tak. A aw lawng athang mi a si caah milung, thil a rawk mi cu a um lo bantuk in cammipuai phitnak ca’h zongah dawnkhantu a um lo” tiah a chim.
Mah bomb puah nak a chuah hnu ah SAC ralhrang ralkap le police hna nih a pawngkam inn hna ah hlethlainak an tuah tiin theih a si. Mah bomb puah nak ah Yephyo Hight School sianginn ah tanghra cammipuai phi hnga ding minung 100 hrawng an um tiah theih a si. KhinOo Peng Kalaloe Kahdohnak Ahh SAC ralkap 19 An Thi, Sagaing ramtthen, KhinOo nichuahlei meng 8 tluk aa hlatnak Kalaloe (ကုလားလူး) khuapawng i March 30 ah rallam in a rami SAC ralkap hna cu mizapi vengtu ralkap nih bomb an puah hnawh hna tiah theih asi.
Kahdohnak cu March 30 zinglei suimilam 6:00 hrawng ah an thok i SAC ralkap 19 hrawng an thi, mizapi vengtu ralkap phu lei hliamtuar umlo in hnu kan tolhkho than tiah mizapi vengtu ralkap pakhat nih a chim. KhinOo pengchung Kalaloe (ကုလားလူး), Shalwin(ရှားလွင်) le Tamouth(တမုတ်) khua in mipi 2500 hrawng cu ralzaam dirhmun an phan tiah theih a si.
March 31 2022 Nikhat Cung Ah SAC Ralkap 62 An Thi, Myanmar ram pumpi in dohthennak tuah hnu March 31 2022 nikhat chung ah SAC ralkap 62 an thi i PDF 3 an nunnak liam tiah Yangon Khit Thit nih a thanh. Cazin ning ah SAC ralkap lei a thimi hi Karen ramkulh Kaw Ka Reik ah 15, Chin ramkulh Matupi ah 18, Sangaing ramtthen Chaung U ah 2, Shwe Bo ah 2, Taninthayi peng ah 2, Mon ramkulh Kyaikto/ Homalin ah 6, Pakokku ah 2, Shan ramkulh Muse peng ah 5, KNU bridage 5 ah 10,an dih lak 62 an si. PDF lei in Mon ramkulh ah 1, Khin U ah 1, cun Matupi ah Chin ralkap 1, an dih lak 3 an nunnak liam.
Nihin, April 1 zaanlei sml 3:30 hrawng ah Tahan Bazar pawng ah inn 2 a kaang, tiah kan theih.Meithat mawṭaw 2 le sangchung mi i bawm in mei cu an hmih khawh. Minung ai hliam mi an um lo, Innchung thilri belte tlawmpal lawng an laak manh tiah theih a si. Zei ruang ah a kangh ti hi hngalh a si rih lo.
Thawng pang dang, FDC timi Federal Democracy Charter Part 1 le Part 2 na rel cang maw Dohthlennak hi acan a sau bak ko lai tinak asi. Mifim mithiam le Politician kip nih mipi cu thazang pek cio le Ruahnak chuah cio asi. Mipi hmaikhap asi bak ti lo. Hmaisuan in ṭhithruai can tampi kan ngei ko nain, kan tlawlh ruangah a chuak mi asi ko. Thingkung maw hau hmasat ding ti le, thingtan in maw kan tuk hmasat lai tiah kan I fian lo caah asi ko.
Ti maw kan theh hmasat lai ti le, nga maw kan phawt hmasat lai ti kan I laklawh karah atlung mi thil asi. Lamcan theih lo le kalnak lam amui kan fianh lo caah mipi kan harsat chin chin lai I kan thihloh chin chin lai tinak asi ko. Kanpi Suh a chuak hnu ah maw Federal Phunghrampi achuak lai, Federal Phunghrampi suai hnu ah maw Luban kan I thimh lai Timi ah, kan tlau dih. Laklawh in varal pelh lo, kal fawn lo in kan um caah tu dirhmun hi kan phan. Hruaitu le Luban asimi kip nih tuak cikcek can kan phan cang. Aluan lei hmanh khi asi cang.
ERO, Tlangcungmi hna he zumhtlak asi I afek mi biakamnak kan sersiam khawh lo caah Dohthlennak can asau hi asi bik ko cu ta. A fekfuan mi biakamnak le Roadmap um lo ahcun, Talngcung mi nih zumh asilo I, international zong nih phaisa tampi bawmhchan asi ve lo ti zong kan theih fawn tung. Raldohnak hmunah teinak kan hmuh lengmang mi hi Federal Democracy he tahchun ahcun chimhtlak lo khi asi rih ko. Mipi kan vaivuan dih I Ralzam in kan um mi lawng hi amiak asi ko. PDF – CDF thihloh a tlawm I mipi kan thihloh atam ve.
Ralkapbu kha hriamtling pek hnu ah le,Khuapi pakhat hnu pakhat lak hnu ah maw mipi kan hna ngam ve lai. Khuapi lut tikah bawmhding in Raltuk pi ding in Mipi cu timhcia tein kan um hi a sau tuk cang dakaw FDC biakamnak a fekfuan lo ahcun. ahohmanh kan sin an ra lailo ti hi nan theih ko maw Cu ti loin Khuapi cu lak khawh asi ve lai maw, Phaisa te tampi in an kan pek rih ko lai tiah nan zumh rih ko maw. Ramkhel kong le Tlangcung mi kong ah nan piatat lo achun, bawmhnak phaisa hmuh khawh a si lailo.
Bomhnak phaisa tampi hmuh khawh asi ti lai lo hi nan tuak bal ko maw Phaisa tampi an hlut lo ahcun, Khuapi cu lak khawh asi lai maw Cucu aho rian dah asi. Mipi maw nan kan puh hoi ne hnga? Tlangcung mi cung ah dah sual nan phawt hoi hnga, Ataktak ahcun, Cungzik ah aum mi hruaitu vialte rian dakaw asi cu Nan rian nan theih lo tuk lawmmam. Biatak tein khua tuak cang uh. Atliang bak mi mumal le biakamnak ngeih cang uh. Kanpi Suh hi Paucan Dohthlennak aphi asi lo tihi tu tiang nan I fiang lo mi hi apoi cem mi cu asi ko.
Mipi hmai nan khap ko maw Pi Suh um lo bak in zeihmanh tuah thiam lomi dirhmun hi kal tak cang uh. Kan pi nih hruaitu fimnak cu an Cawnpiak dih cang hna. Ralthat ngai in tuan uh law, nan palh nak cu rathat tein ing ngam I zuam ve cang uh. TEINAK hmuh ah mipi he, na palh ahcun nangmah tein ing I zuam cang uh. Kanpi nih Zeitluk in I zuam ko hmanh sehlaw, a hnu zulh tu hna santlai lo ruangah, Dohthlennak can asau hi a si ko. Kanpi nih Mipi lawnglawng ati mi kha nan philh tawn dara,
Mipi thimhpiak lam tu kha ralthat ngai in zulh ko awk cu, nanmah lam tu kha nan zulh deuh caah tu dirhmun hi kan phan ve. Mah kutke tohnun cawng in thiam ve cang usih. Culocun Dohthlennak can asau hrinhran lai. Sung khawh hmanh asilehlam.Mipi nih lungthul loin, kan zeizong in dirhkam rih ko usih. Dohthlen can tawi cangseh. Upat hmaizah nak he.. crd zingtincuai cinzah. Part 2 kan van peh than lai.
Leave a Reply