Thawngpang Tha Taktak, Kawlram Ralkap Training A Tuah Mi Bomb In Kah An Tong

Min Chin Khua Chung Kahdohnak Ah  Ralhrang Minung Pahnih An Nunnak A Liam

============================

Shewbo Peng Chungah Raltuk Ningcang A Cawntu Le Cawnpiaktu SAC Ralhrang Le Buesawtyi Hna Cu Drone Hmangin Bomb An Puah Hnawh Caah Ralhrang (2) An Thi!

Shew Bo peng chung Min Chin khua chungah raltuk ningcang cawnnak a tuahtu SAC ralhrang ralkap le Buesawtyi hna cu Snake Eyes PDF, C&T Shewbo le ပ.က.ဖ phu hna nih Febuary 6 zinglei sml 11:15 ah drone hmangin kahdohnak an tuah caah SAC ralhrang ralkap pahnih an thi.

Cupinah Shewbo peng chung Tee Tyi Taw khuami SAC ralhrang ralkap le Buesawtyi sakhan zong zanlei sang sml 4:30 ah a vawihnihnak an kahdoh than hna nain a thimi le hliammi zat hi fiang tein kan thei kho lo i, PDF leikap ah hliam tuarmi umloin an i zukphiak kho tiah theih a si.

Relchap,Tuanbia bantuk in kawl ram chungah a cang mi Ralkhel buianak cu ramkhel in phisin daihter khawh nak caah Democracy lam he aa khat in phisin a si lai. Sing Ya Tuh rampi ni zong caan fate tuahkahwh lonak dir hmun a phan i,

A zungzal daihnak caah ceihhmai a herh nak kong zong hlangcung mi hriamtlai (EAOs) sinah Nah Sah Kah Council hruaitu Min Aung Hlaing nih ca a kuat hna tiahtheihter langhter nak a tuah.

Nah Sah Kah hraitu Min Aung Hliang nih Kum fate kumthar nawlchuah ah a rak chim cia bantuk im Kum 2022 cu Sing Ya Tuh rampi ni a si mi he khat in daihnak lam thar pawl cu,

Kal hramthawk a si cang lai caah Kokek minung thazaang sungh lo ding in ceihhmai a rak si cang bantuk in riantuan, tunavo aherh tiah February ni 6 ah langter theihter nak cathanh a chuah.

Mah cathanh chuah nak ah kum 75 leng chung rauh a si mi ramchung hriamnam kahdohnak buainak pawl cu minthut daihter a rak si cang i, sungh cia a si mi mipi thazaang pawl cu,

Theihthiam tuarthiam in ataang mi thazaang, thinlung thazaang hna in rampi thanchonak caah hman aherh nak kong zong a langhter chap. Ramkhel party hna zong nih,

Kuk 5 chungah Democracy le Federal hrambunh a si mi Rampi thnchonak caah  i ceihhmai a rak si cang caah mah lam cungah  phakter dingin ti zong in Min Aung Hliang nih a langhter.

A bikin ralhrang phu pawl in langhter a si mi phu pawng pawng si loin Tlangcungmi hiamtlai phu pawl zapi cu NCA minthut ah siseh, minthu lo a si ah February ni 12 ah tuah hnga ding rampi ni ah,

Kai ding tel ve ding aherh nak kong zong a langhter chap. Mah tuah hnga ding ceihhmainak meeting cu kai hngading caan cu hlanah kan rak ceih cia mi caan he aakhat lo i pungsan thar

Ceihhmainak in khirhthan kankuat um loin zalawng tein ceihmaih khawh ding in theihter aherh ti zong in a chim. A bikin ahlan tonbiaruhnak ceih hnga ding akonglam cu chimcia theiter cia a si i,

Zalonnak lei ah zaangder nak a umnak kong, a tu tonbiaruahnak ah cun zeihmanh chim cia loin, zei a konglam hmanh theihter hau loin mah le mah saduhthah ningin ceihhmai a si lai ti zongin a chim,

Nah Sah Kah nih aa timh mi cu rampi ah zalon nuamtein chimrel khawh nak, Tirawl riahcaw tlamtling tein khawn khawh nak, ralkhel timtuah nak zongin a tlingmi adik mi party democracy

A fehnak hnga ding lam le fereral hrambunh a si mi rampi sersiam khawh nak zong hi a si ti zongin a chim. Cu ruang ah Sing Ya Tuh rampi ni cu Tlangcung mi EAOs hna nih caan hman tein kai in

Zalong tein ceihhmai a si nak kong cu Nah Sah Kah lei nih cathanh an chuah. Mah cathanh chuah nak in zungzal daihnak cu a herh mi pawl caah khirhmi dohlhalh mi um loin ceihkhawh nak pawl pek a si lai ti zong a langhter.

Laknak- NPNs