Kyauk Htoo Police Sakhan In Police Pakhat Nih CDM A Tuah
Magwe ramthen, Kyauk Htoo Police sakhan in Police pakhat cu April ni 28 ah CDM a tuah nak kong cu Kyauk Htoo PDF nih tuni April ni 30 ah cathanh a chuah. A mah cu Kyauk Htoo Mipi hmunhimtu ralkap (KTU-PDF) he pehtlainak a tuah hnu ah CDM a tuah hi a si i, a tu hi hmunhimnak hmunnak ah an kuat cang tiah theih a si.
Hriamnam tling he hramhram in uknak a laa tu SAC ralhrang kuttang in a chuak kho mi cu laksawng tankaa ting 80 peek nan si lai i, a chuak tu lei in Kyauk Htoo PDF sinah tehtlai bomhhal khawh a si nak kong zong thanhna an tuaah tiah theih a si.
Relchap, Tawgyapin Khuami 2 SAC Nih Thih Hlanlo Thong Tla Ding In Biaceih Hna, Tanintharry ramtthen Lawnglung (လောင်းလုံး) peng Tawgyapin (သောကြာပြင်) khuami 2 cu bomb puahkeh a chuahnak hmun pakhat ah nan i tel tiin an puh hna caah thih hlanlo thong thlakding in biakhiahnak an tuahpiak hna tiah theih a si. Hi Khuami pahnih hna cu U Saw Shwe(kum-50) le Ko Soe Min(kum-35) an si i, April 26 ah Dawei biaceihzung nih biakhiahnak an tuahpiak tiah Dawei thongtla tawlreltu phu nih an thanh.
2021, September thla ah Lawnglung peng Tawgyapin (သောကြာပြင်) khuabawi inn puahkehnak a chuakmi kongah nan i tel tiin an puh hna caah tlaihkhih an tong i, poh-mah 3, le poh-mah 54 in tazacuai an rak tong. SAC ralkap nih nawlngeihnak an lak hnu Dawei thonginn in thongtla biakhiahnak tuahpiak mi hna chung in tutan thihhlanlo thongtla ding biakhiahnak cu a fakbik le a sangbikmi biakhiahnak a si .
March thla chungah Dawei pengchung ummi Ko Hein Min Ko Ko(kum-20) cu poh-mah 505(a) caah kum 2 thong, poh-mah 3 caah kum 2 thong, poh-mah 3/6 caah kum 12 le poh-mah 3/5 caah kum 12 tiin a dihlak kum 28 thongtla ding in biakhiahnak an tuahpiak tiah theih a si.
Leave a Reply