Honduras President Juan Orlando Hernand le Israeli Prime Minister Naftali Bennett hna nih Official tein nili ni ah khan Jerusalem ah Embassy awnnak an ngei. Vawlei cung ram hna lak ah Honduras hi Jerusalem ah Embassy thial tu 4 nak asi.
Jerusalem ah Embassy a thial tu ram hna cu United States, Guatemala, Kosovo le Honduras hna an si.
Mah lio caan ah Turkish Foreign Ministry nih cun Honduras cu a van sawisel colh, “Honduras nih mah bantuk thil atuah mi hi kan mawhchiat ngai” tiah Turkish Foreign Ministry nih a langhter.
Honduras nih mah bantuk thil a tuah mi hi International phung he akalh mi asi ko natein United States, Guatemala le Kosovo hna hnu zulh in Jerusalem ah a Embassy hi a thial ve.
Leave a Reply