US ah Covid-19 zawtnak that lei a panh hnu tlawmpal ah Delta variant zawtnak ngei an karh thluahmah than. Hngakchia chungin siizung ah chiah a hau mi an tam ngai tiah langhter asi.
US Department of Health and Human Services (HHS) nih data a langhter ning ah cun, kum 12 tanglei Covid-19 zawtnak ruangah siizung i zohkhenh lio mi cu minung 1,902 an si.
US ah hin kum 12 tang nih Covid-19 Vaccine an la kho rih lo, mah ruangah Covid-19 zawtnak an tuar khun.
Health Official le Expert hna nih cun American mi hna cu Vaccine la dingin an chimh len hna, Delta Variant ruangah zawtnak ngei thar le zawtnak ruangah athi mi an karh ngai tiah an chim.
White House chief medical advisor Dr. Anthony Fauci nih cun zawtnak atlung lio mi cu Vaccine la lo mi hna cungah atlung tiah a chim.
US mipi 50.2% lawng nih Covid-19 Vaccine dose dihlak an lak cang i, dose khatnak la mi cu 59.4% an si tiah langhter asi.
Leave a Reply