Mandalay in ara mi Ralhrang facang phortu tilawng pahnih an kadhoh ralkap lei cei lak an thi.
Mandalay in Sagaing ramkulh , Kaata peng lei ah, Irrawady tivaa in ralkap facang riahcaw a phortu tilawng pahnih cu tuzing, zingkaa lei sangh voili tiang hrawng bak , Bomb in kahdohnak aton caah Ralkap lei in ahlim mi le a thi mi an tampi kho tiah MayPyin tadin thawngzamhtu nih thawng a thanh.
“Ralhrang lei in a thimi, ahliam mi tampi an um tiah theih a si.KyohDun acung le pawng hrawng ah an ruak cu ti chungah an thlak hna, an hlawt hna tiin kan theih theih” tiah MayPyin thawngzamh tu khuami minung pakhat nih a chim.
Tuni January nithum zingkaa lei sang ah Ralhrang facang, riahcaw aphor tu le hriam nam a phor piak tu hna tilawng pahnih cu Htee Ciang mipi hmunhim tu phun hna cu Phuthum ah an i then i an kahdoh hna hlei ah Kaataa peng kulh a si mi NgiangCheThoh khua te paawngah KaaTaa People Defence Force phu hna zong nih an kahdoh nak hna kong cu theih a si.
Cu bantuk in khuami humhlim tu phu hna nih an kahdoh nak hna lio ah Ralhrang lei in Minung sawmthum nak tamdeuh an thih nak hna kong cu Tigyaing Revolution nih thawng an zamh nak in theih as i. Cu bantuk in kahdohnak atong mi ralhrang tilawng pahninh cu zaanlei Suimilam panga hrawng KaaTaa tilawng dirnak lei ah an kal tiah theih a di.
“Ralhrang paawl cu thinphan le tha lo ngai in Zaanlei suimulam panga hrawngg ah Kaataa Water Port lei ah an kal i a pawngkam hrawng ah vazoh ding le vangiat ding, va hlat hna ding athat lo caaah akong lam cu fiangfai tein thei khawh a si lo nak kong le a harnak kong cu’ khuami pakhat nih a chim.
A tu bantuk in Ralhrang le mipi Hmunhim tu an i kah mi hi, a tu lawng si lo. A luan cia mi November ni hleikhat in a tu tiang ah voithum nak in a tlawm ti lo tiah khuami pakhat nih a chim chap.
Nwes Dang;A dik lomi ruahchannak ’false hope’ pek in kan mino forh hram ti hlah u
============
Tuzing kha biaruahnak pakhat ka zoh ve, ka upat ngaimi pakhat nih ‘Ralhrang phu cu raltuk vanlawng 7 lawng an ngei i pakhat cu a mei ah an kah cang, chikhat ah an dih ko lai’ tiin a chim. A ngaitu zong nih an zum dih ve ko, mah vialte minung nih a dik lomi bia kha fawi tuk in an zumh ka hmuh tikah ka khuaruah a har, Laimi kan vanchia tuk hi ta ka ti.
A ngaingai ti ah cun ralkap nih raltuk vanlawng 300 deng an ngei. Van ralkap 20,000 leng an ngei fawn. Atu cu ram pumpi phaisa vialte le leitang chuak mansung vialte khi an duhnak poah ah hman khawhnak power an ngei rih. Fawi ngai in Russia le China ah raltuk vanlawng an cawk kho fawn.
Kawl ralkap khi Chinram in kan thawl dih hmasa hna lai i Chinram cu mah tein kan uk khawh tikah ralzam an kir te lai tiah fawi ngai in a chim rih. Ramtha ah ralzam an kal ding a duh lonak a chim chih. Khua thuk piin ruat lem lo ahcun a chimmi uar tuk ding a si, ‘pasal taktak biachim a si’ tiin thangthat len awk khi a phu. A ngaitu 2k leng zong nih an zumh caah an thangthat, an uar taktak.
Nain, Yangon hmanh lak dih a rak timhtu Karen National Union nih kum 70 leng an doh nain Karen ram 0.2% hmanh thathi in an control kho ti lo. Kachin zong nih kum 60 leng an doh nain Kachin ram 0.1% hmanh an control kho ve lo. Rakhine zong mah thiamthiam. Mino pazeizat dah an thi cang? An miphun zeitluk in dah an temtuar? Fiang tuk in kan pawngkam miphun kan hmuh khawh ko hna. Ai dang tukmi Israel he i tah chunh khi uar tuk hlah u sih.
Miphun ralkap nih Kawl ralkap khi Hakha le Thantlang in thawl dih (kan mino nunnak 500 cung a liam lai) kho hmanh hna sehlaw Naypyidaw ah Ralhrang a lal rih ko ahcun Hakha le Thantlang cu rial bang bomb le kuanpi nifatin an tlaknak hmun ah ai cang lai. An lak than khawh hlan lo vanlawng he vawlei he an miakmi an testnak hmun ai cang lai i kan khuaram a rawk dih cikcek te lai. Ralzam kir cu chim lo, chizawh hmanh an um ngam lai lo.
Cu caah, kan bochanmi kan pale nih a thilin cangmi kan mino thazaang nan pek hna tikah a dikmi information he thazaang pe hram u. A dik lomi ruahchannak false hope pek in kan mino nunnak kha computer games bang i celh hlah u sih, game chung bantuk in a liam cia mino nunnak thar hmuh khawh than a si ti lo.
BY; LungThliTum
Leave a Reply