Thantlang Peng ca Cun thinphang Dailo Si Ko Hih

hantlang Peng Hmun Kip ah SAC Ralhrang Helicopter aa Chawk, Nihin zinglei ah Thantlang peng, Zophei tlaang lei ah SAC ralhrang helicopter aa chawhvah lenmi khuami nih an hmuh hna. “Zinglei sml. 10:30 hrawng ah Hriphi khua Van ah a zuang i Vuangtu lei ah a lan. Vuangtu SAC ralhrang sakhaan zong ah ttum loin Tikir lei ah a zuang,” tiah khuami pakhat nih a chim. Ngiathlainak tuah in Thantlang peng chung ah aa chawhmi a si lai, tiah an zumh. The Chin Journal

Myanmar ramchung ah ralhrang nih nawlngeihnak an lak hnu ah a cangmi harsatnak kong he pehtlai in NUG ramdang lei pehtlaihnak vuanci Daw Zin Mar Aung cu Shweden ramdang lei pehtlaihnak vuanci Ann Linde he tonnak an ngei tiah nihin ah NUG nih an thanh. Ramchung ah a cangmi ramkhel dirhmun,ralhrang nih nawlngeihnak an lak hnu ah a cangmi harsatnak hna le Democracy lamthluan kongkau hna ceihmainak an ngei.

Myanmar ramchung ah ralhrang nih nawlngeihnak an lak hnu ah a cangmi harsatnak kong he pehtlai in NUG ramdang lei pehtlaihnak vuanci Daw Zin Mar Aung cu Shweden ramdang lei pehtlaihnak vuanci Ann Linde he tonnak an ngei tiah nihin ah NUG nih an thanh. Ramchung ah a cangmi ramkhel dirhmun,ralhrang nih nawlngeihnak an lak hnu ah a cangmi harsatnak hna le Democracy lamthluan kongkau hna ceihmainak an ngei.

United Nations timi phu pi nih hin tu lio Myanmar ram buainak kong he pehtlai in hmual a neimi rianttuannak chuah ter awk a ttha rih lo tiah Myanmar ram kong he pehtlai in UN lei ah ruahnak petu (Member of the Burma Advisory Council) simi Ms Yanghee Lee nih a chim. Min Aung Hlaing le a ralhraang pawl sin ah hriamnaam zuarh tu Tuluk le Russia hna hi UN Security Council an i tel lo caan ah UN lei nih Kawlram buainak kong ah hin zei bantuk hmual a neimi rian dah ttuan khawh lai timi kong he pehtlai in BBC nih bia an halnak ah a chimmi si i a tang lei ah tling deuh in ka vun langhter lai.

UN lei nih Myanmar ram buainak kong he pehtlai in hmual a neimi rianttuannak a tuah khawh lomi hi UN timi phu ca hrim ah ningzak tuk a si, cun Security Council lei zong nih member simi Tuluk le Russia hna nih hin UN Security Council zei an rel lo zong si fawn, a bik in Security Council lei nih Tuluk le Russia duhnak zul in mah ti an thlah sawhmi hi cu ningzak bak si ko tiah Ms Yanghee Lee nih a chimmi cu si.

Ms Yanghee Lee hi Kawlram mipi nuhrin covo kong he pehtlai in UN ah report tuah tu hlun a rak si bantuk in tulio zongah Myanmar ram chung nuhrin covo, daihnak, democracy, diknak le ttuanvo laaknak lei kap ah ruahnak petu ngan a si fawn. Kan hnu lei UN General Assembly pi ah CHRP nih an thimmi U Kyaw Moe Htun cu meeting ah tthutnak an pe ko nain bia chimnak nawl an pek lomi zong kha a si dingmi thil an tuah khawh lo ruangah a cangmi si tiah Ms Yanghee Lee nih cun a chim chap.

Min Aung Hlaing le a ralhraang pawl nih cun U Kyaw Moe Htun nih hin UN ah Myanmar ram le mipi a aiawh ti lo tiah mithar thim in an thlah nain UN General Assembly ah aa tel kho lo, khat lei in chim ah cun an tel ter duh lo, U Kyaw Moe Htun cu aa tel kho nain bia chimnak nawl belte an pe duh ve lo. Mah thil a chuakmi hi American le Tuluk telh in member dang simi ASEAN le Russia ti bantuk hna nih hnu lei in rian an ttuannak in a chuakmi si tiah Foreign Policy Magazine ah an langhter bantuk in U Kyaw Moe Htun zong nih kan theihmi thil le Magazine ah an langhtermi hi aa khatmi si ko tiah a chim ve.

Be the first to comment

Leave a Reply

Your email address will not be published.


*